2023 жылғы 1 қыркүйектегі жағдай бойынша жұмыс істеп тұрған шағын және орта кәсіпкерлік субъектілерінің (бұдан әрі – ШОБ) саны 50 106 бірлікті құрады.
2026 жылдың І ьоқсанының қорытындысы бойынша: ШОБ субъектілеріндегі ЖӨӨ үлесі 17,1% құрады (2025 жылы 17,3%), ШОБ-те жұмыспен қамтылғандар саны 97,1 мың адам. ШОБ субъектілерінің өнімі 296,9 млрд. теңгені құрайды.
«Жеке кәсіпкерлікті мемлекеттік қолдаудың кейбір шаралары туралы» Қазақстан Республикасы Үкіметінің 2024 жылғы 17 қыркүйектегі № 754 қаулысы шеңберінде кәсіпкердің қаржылық қолдауының мынадай бағдарламалары іске асырылады:
- Сыйақы мөлшерлемесінің бір бөлігін субсидиялауды ұсыну;
- Жеке кәсіпкерлік субъектілерін мемлекеттік қолдау құралы ретінде кепілдіктер беру тетігін енгізу;
- Әлеуметтік кәсіпкерлік субъектілері үшін мемлекеттік гранттар беру;
- Жетіспейтін инженерлік инфрақұрылым кәсіпкерлік субъектілерінің объектілеріне жеткізу.
2025 жылы «Даму» КДҚ» АҚ (әрі қарай - Қор) 4,7 млрд теңге несие сомасына 18 субсидия шартына қол қойылды.
2025 жылға гранттық қаржыландыруға ЖБ-тен 110 млн теңге бөлінді.
Kezekte.kz сайты арқылы құжаттарды қабылдау жүзеге асырылып 42 жоба келіп түсті. Конкурстық комиссияның қорытындысы бойынша жалпы сомасы 110 млн теңге құрайтын 24 жоба мақұлданды.
«Қамқор» кәсіпкерлікті дамытудың өңірлік бағдарламасы үшін 2025 жылы ЖБ-тен 330,7 млн теңге бөлінді, Даму қоры 330,7 млн теңге бөлді. 2025 жылдың қортындысы бойынша 491 млн теңге сомаға 27 жоба қаржыландырылды.
Абай облысының кәсіпкерлік және индустриалды-инновациялық даму басқармасы шағын және орта бизнес үшін мемлекеттік қолдаудың түрлі бағдарламаларын ұсынады, оның ішінде несиелер бойынша пайыздық мөлшерлемелерді субсидиялау, бизнесті дамытуға арналған гранттар, консультациялық қызметтер, кәсіпкерлер үшін оқыту және тренингтер, сондай-ақ салықтық жеңілдіктер мен преференциялар.