Елорда күніне орай пәтер кілттері табыс етілді

Елорда күніне орай пәтер кілттері табыс етілді

Елорда күні мерекесіне орай, Жарма ауданы Қалбатау ауылында «Нұрлы жер» бағдарламасы аясында салынған 2 пәтерлі 9 үйдің кілттерін табыс ету рәсімі өтті. Жарма ауданының әкімі Ахметқали Нургожин халықтың әлеуметтік осал топтары яғни көпбалалы отбасыларға, І және ІІ топ мүгедектер, мүгедек бала асырап отырған отбасылар мен бюджеттік ұйымдар қызметкерлеріне табыс етті. Құрылысты жүргізіп, қолданысқа беріп отырған инвестор жеке кәсіпкер - Исабаева Динара. Әр салынған үйдің жалпы аумағы 80 шаршы метрді құрайды. Айта кетер болсақ, өткен жылы желтоқсан айында 2 пәтерлі 5 үй қолданысқа берілген болатын. Табыс етілген үйлерде барлық жағдай жасалған. Алдағы уақытта Жарма ауданының орталығы мен Шар қаласында осындай тұрғын үйлер салу жоспарланған.