Жастармен еркін форматта кездесу өтті

18 тамыз күні Жарма ауданының Қалбатау ауылындағы Жастар ресурстық орталығында   жастар арасындағы сыбайлас жемқорлыққа қарсы мәдениетті қалыптастыру, жастардың бір-бірімен өзара байланысы, қоғамдық іс-шараларға қатысуға қызығушылығын арттыру мақсатында жастар белсенділерімен pecha-kucha форматында дөңгелек үстел өтті.

Іс-шараға ZOOM - платформасы арқылы ҚР Жемқорлыққа қарсы іс-қимыл агенттігінің  Шығыс Қазақстан облысы бойынша департаментінің бас маманы Сахариева Мейргуль Кузаркановна мен ауданның белсенді жастары қатысып, өз ой-пікірлерін білдірді.

Аудан аумағында сыбайлас жемқорлықтың алдын алуға бағытталған іс-шаралар кешенін ұйымдастыру бойынша ақпараттық-ағартушылық штабы құрылып, ол Жастар ресурстық орталығының директоры М.Исинаның жетекшігімен түрлі  ақпараттық-түсіндіру шараларын өткізуде.