Жарма ауданының аумақтық сайлау комиссиясының жанынан құрылған «Жас сайлаушылар клубының» жұмыс жоспарына сәйкес, жастардың құқықтық сауаттылығын арттыру мақсатында «Сайлау – әділдіктің кепілі» тақырыбында танымдық кездесу және сайлау тақырыбы бойынша сұрақ-жауап алаңы ұйымдастырылды.
Іс-шара барысында оқушыларға сайлау жүйесінің маңызы, азаматтардың сайлау құқығы мен міндеттері, дауыс беру тәртібі және әділ сайлаудың негізгі қағидаттары жан-жақты түсіндірілді. Сонымен қатар қатысушылар сайлау үдерісіне қатысты сұрақтарға жауап беріп, өздерінің құқықтық сауаттылығын шыңдап, белсенділік танытты.
Кездесудің басты мақсаты – жас буынның құқықтық сауаттылығын арттыру, құқықтық мәдениетін қалыптастыру, азаматтық жауапкершілігін нығайту және болашақ сайлаушылардың саналы таңдау жасауына ықпал ету.
Сайлау – әрбір азаматтың өз таңдауын білдіріп, елдің болашағына үлес қосатын маңызды конституциялық құқығы. Бүгінгі белсенді жастар – ертеңгі жауапты сайлаушылар!
Барлық қатысушыларға белсенділіктері үшін алғыс білдіреміз!
#ЖасСайлаушыларКлубы #ЖармаАуданы #СайлауӘділдіктіңКепілі #ЖасСайлаушы #ҚұқықтықСауаттылық #АзаматтықЖауапкершілік #Қазақстан