«Жарма ауданының технологиялық колледжі» КММ студенттерімен, «AMANAT» партиясының мүшелері мен депутаттарының қатысуымен «Саяси партия өкілдерімен кездесу: партия бағдарламалары және жастар саясаты туралы пікір алмасу» тақырыбында кездесу өткізілді.
Кездесу барысында қатысушылар еліміздегі саяси партиялардың қызметі, олардың негізгі бағыттары мен бағдарламалары, сондай-ақ жастар саясатының өзекті мәселелері жөнінде пікір алмасты. Студенттер өздерін толғандырған сұрақтарын қойып, ұсыныс-пікірлерін білдіруге мүмкіндік алды.
Іс-шараның мақсаты – жастардың саяси сауаттылығын арттыру, олардың қоғамдық-саяси өмірге белсенді қатысуын ынталандыру, сондай-ақ саяси партиялардың қызметі туралы жан-жақты ақпарат беру.
Кездесу нәтижесінде студенттер саяси партиялардың қоғамдағы рөлі мен маңызын тереңірек түсініп, азаматтық ұстанымдарын қалыптастыруға бағыт алды. Сонымен қатар, олардың саяси үдерістерге қызығушылығы артып, өз ойларын еркін жеткізу дағдылары дамыды.