Дүниежүзілік сайлау күніне орай өткізілетін іс-шаралар жоспарына сәйкес, Жарма ауданында 11-сынып оқушыларымен сайлау құқығы, сайлауды өткізу қағидаттары, сайлау комиссияларының рөлі және сайлаушылардың жауапкершілігі мәселелері бойынша «Заңның үстемдігі – демократиялық қоғамның тірегі» тақырыбында ақпараттық-түсіндіру тренинг-семинары өткізілді.
Іс-шараға 11-сыныптың 30 оқушысы қатысты.
Іс-шара барысында оқушыларға Қазақстан Республикасының сайлау заңнамасының негізгі нормалары, сайлау процесінің кезеңдері, сайлау комиссияларының қызметі, сондай-ақ азаматтардың сайлауға қатысу құқықтары мен міндеттері туралы жан-жақты түсіндірілді.
Тренинг-семинар интерактивті форматта өткізіліп, қатысушылар тарапынан қойылған сұрақтарға жауаптар беріліп, пікір алмасу ұйымдастырылды. Іс-шара оқушылардың құқықтық сауаттылығын арттыруға, азаматтық жауапкершілігін қалыптастыруға және сайлау процесіне белсенді қатысуға дайындықтарын күшейтуге бағытталды.