2025 жылдың 29 желтоқсан күні Жарма ауданының аумақтық сайлау комиссиясының жұмыс жоспарына сәйкес, учаскелік сайлау комиссияларының төрағалары үшін онлайн форматта «Сайлау учаскелеріне мүгедектігі бар адамдар болып табылатын сайлаушылардың кедергісіз кіруі және онда дауыс беруі үшін жағдайлар қамтамасыз ету туралы» тақырыбында семинар өткізілді.
Семинардың мақсаты – мүгедектігі бар сайлаушылардың сайлау құқықтарын толық көлемде іске асыруын қамтамасыз ету, сайлау учаскелерінде кедергісіз орта қалыптастыру мәселелері бойынша учаскелік сайлау комиссиялары төрағаларының хабардарлығын арттыру, сондай-ақ осы бағыттағы жұмыстарды үйлестірудің маңыздылығын түсіндіру.
Семинар қорытындысы бойынша сайлау учаскелері орналасқан ғимараттардың тікелей басшылары учаскелік сайлау комиссияларының төрағалары болып табылмайтындықтан, аталған бағыттағы жұмыстарды жүзеге асыру жергілікті атқарушы органдармен және мекеме басшыларымен өзара іс-қимыл жасау арқылы жүргізілуі қажет екендігі атап өтілді.