Ішкі саясат бөлімінің жұмысы мемлекеттік жастар саясатын және этносаралық келісімді қамтамасыз етуге бағытталған.
Жарма ауданында жастар саясатын жүзеге асыру үшін екі Жастар ресурстық орталығы жұмыс істейді (Қалбатау және Шар қаласы).
Жастар туралы мәлімет: Ауданда 14 пен 35 жас аралығында 8276 жас тіркелген, бұл аудан халқының 31,4%-ын құрайды.
Жұмыспен қамту: Жыл басынан бері 202 жас жұмыспен қамтылды, оның ішінде 109-ы тұрақты жұмысқа орналасты. Сондай-ақ, «Жастар практикасы» (33 адам), «Алғашқы жұмыс орны» (23 адам), «Ақылы қоғамдық жұмыс» (66 адам) және «Жасыл ел» (жоспар бойынша 90 жас) бағдарламалары бойынша жұмыстар жүргізілді.
Әлеуметтік қолдау:
«Дипломмен ауылға» жобасы бойынша 11 маманға үй алуға және 8 маманға көтерме жәрдемақы беру жоспарланған.
142 жас тұрғын үй кезегінде тұр.
«Бастау бизнес» жобасы аясында 2 адам оқудан өтті.
Мәдениет және спорт: 35 үйірмеге 513 жас қатысады, сонымен қатар спорт секцияларында 1244 жас қамтылған. Жыл ішінде жастармен тығыз қарым-қатынас орнату мақсатында 36 шара өткізілді.
Волонтерлік: 181 ерікті және 3 еріктілер тобы жұмыс істейді. 58 мұқтаж отбасына қайырымдылық көмек көрсетілді.
Құқық бұзушылық: 18-35 жас аралығындағы жастарға қатысты 809 Әкімшілік құқық бұзушылық (көбінесе жол жүру ережесін бұзу) және 20 қылмыстық іс (ұрлық, дене жарақатын келтіру) тіркелді.