2025 жылдың 5 ақпаны күні Жарма ауданының аумақтық сайлау комиссиясының мүшелері Дүниежүзілік сайлау күніне арналған іс-шаралар жоспарына сəйкес, "Мен болашақ сайлаушымын" тақырыбында "Георгиевка орта мектебі" КММ-сінің 11-сынып оқушыларымен кездесу өткізді. Кездесу мақсаты болашақ сайлаушыларға сайлаудың маңыздылығын айту, сайлаушылардың белсенділігін арттыру, азаматтардың сайлау құқықтары қамтамасыз етілетіндігін түсіндіру. Кездесу барысында сондай-ақ жас электораттардың қызықтырған сұрақтарына жауап беріліп, бейне-слайд көрсетілді. Кездесуге #2 округ депутаты қатысып, оқушыларға сайлауда таңдау не үшін қажет екенін қызықты мысалдармен түсіндірді.