ОРТАЛЫҚ САЙЛАУ КОМИССИЯСЫНЫҢ ТӨРАҒАСЫ АБАЙ ОБЛЫСЫНДА
Қазақстан Республикасы Орталық сайлау комиссиясының Төрағасы Нұрлан Мәжитұлы Әбдіров Абай өңіріне жұмыс сапарымен келіп, Жарма жəне Бесқарағай аудандарының аумақтық сайлау комиссияларының жұмысымен танысты. Өңірдің барлық аудандарынан келген тұрақты, кəсіби негізде жұмыс атқаратын аумақтық сайлау комиссияларының мүшелерімен жəне жас сайлаушылармен кездесу өткізді. Кездесу барысында жастар өзекті электораттық мәселелері бойынша онлайн-сауалнама сұрақтарына қызығушылықпен жауап беріп, қорытындысымен пайыздық көрсеткіште бірден танысты. Белсенді қатысып, сауалдар қойған жастар Қазақстан Республикасы Орталық сайлау комиссиясының бастамасымен жарық көрген ғылыми кітап – «Қазақстан Республикасының Орталық сайлау комиссиясына 30 жыл. Қазақстан Республикасының сайлау жүйесін трансформациялау» монографиясына, 2012-2023 жылдар аралығында өткізілген сайлау және референдумдар туралы ақпараттық жинаққа ие болды.