«Абай облысы Жарма ауданының мәдениет және тілдерді дамыту бөлімі» мемлекеттік мекемесі туралы ЕРЕЖЕ

Жарма ауданы әкімдігінің

                                                                             2025 жылғы  «____» _________

                                                                             № ____ қаулысымен бекітілген

 

 

 

«Абай  облысы

Жарма ауданының мәдениет және тілдерді дамыту бөлімі» мемлекеттік мекемесі туралы       

                                                              ЕРЕЖЕ

 

1- тарау.  Жалпы ережелер

1.   «Абай облысы Жарма ауданының мәдениет және тілдерді дамыту бөлімі» мемлекеттік мекемесі (бұдан әрі - Бөлім) Қазақстан Республикасының мемлекеттік органы болып табылады, өз құзіреті шегінде Жарма ауданының аумағында мәдениет, өнер, тілдерді дамыту, дене шынықтыру және спортты іске асыру бойынша мемлекеттік саясатты жүзеге асырады.
2.   Бөлімнің мынадай ведомстволары бар:
3. Жарма ауданы әкімдігінің «Жарма аудандық мәдениет сарайы» коммуналдық мемлекеттік қазыналық кәсіпорны.
4. «Жарма ауданы әкімдігінің орталықтандырылған кітапхана жүйесі» коммуналдық мемлекеттік мекемесі.
5.   Бөлім өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
6.   Бөлім мемлекеттік мекеме ұйымдық-құқықтық нысанындағы заңды тұлға болып табылады, мемлекеттік тілде өз атауы бар, мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарда шоттары болады.
7. Бөлім азаматтық-құқықтық қатынастарға өз атынан түседі.
8. Бөлім егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
9. Бөлім өз құзыретінің мәселелері бойынша заңнамада белгіленген тәртіппен бөлім басшысының бұйрықтарымен және Қазақстан Республикасының заңнамасында көзделген басқа да актілерімен ресімделетін шешімдер қабылдайды.
10. Бөлімнің құрылымы мен штат санының лимиті қолданыстағы заңнамаға сәйкес бекітіледі.
11. Заңды орналасқан жері: 070600 Қазақстан Республикасы, Абай облысы, Жарма ауданы, Қалбатау ауылы, Әлімбетов көшесі, № 53.
12. Осы Ереже Бөлімнің құрылтай құжаты болып табылады.
13. Бөлімнің қызметін қаржыландыру Қазақстан Республикасының заңнамасына жергілікті бюджеттен асырылады.
14. Бөлімге кәсіпкерлік субъектілерімен Бөлімнің функциялары болып табылатын міндеттерді орындау тұрғысында шарттық қатынастарға түсуге тыйым салынады.

Егер Бөлімге заңнамалық актілермен кірістер әкелетін қызметті жүзеге асыру құқығы берілсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.

    2-тарау. Мемлекеттік органның мақсаттары мен өкілеттіктері

13. Міндеттері:

1) мәдени-ағарту, өнер ұйымдарының идеологиялық және адамгершілік, эстетикалық тәрбиеде мәдени ағарту, өнер ұйымдарын  дамыту рөлін арттыруды қаматамасыз ету;

2) тұрғындарға мәдени көрсету үлгілерін одан әрі жетілдіру;

3) өнердің барлық түрлерін, халық шығармашылығы, фольклор,көркемөнерпаздар шығармашылығын  дамыту;

4) шығармашылық одақтар мен ұйымдардың қызметіне жәрдемдесу;

5) мәдениет мекемелерінің  материалдық – техникалық базасын нығайту мен жаңарту жөніңдегі іс-шараларды жүзеге асыру;

6) ведомствоға бағынысты ұйымдардың кадрларын іріктеу, орналастыру және тәрбиелеу, қызметкерлердің білімі мен ең озық тәжірибелерін пайдалану;

7) мемлекеттік тілді және Қазақстан халықтарының тілдерін дамыту;

8) тарихи-мәдени мұра объектілерін қорғау және пайдалану.

14. Өкілеттіктері:
15. Бөлімнің құқықтары:

1) мемлекеттік органдардан қажетті ақпарат, құжаттар, басқа да материалдар, ауызша және жазбаша түсініктемелерді сұратуға және алуға;

2) лауазымды тұлғаларға тапсырма беру және олардың орындалуын талап ету;

3) аудан әкімдігінің отырыстарына, аудан әкімінің мәжілістеріне қатысу;

4) ғылыми мекемелер, мәдениет және өнер  қайраткерлері, филологтар мен тіл танушы мамандарды, басқа да ғалымдар мен мамандарды жұмысқа тарту;

5) мемлекеттік басқару органдары, мұрағат, ғылыми мекемелер ақпараттық дерек қорын пайдалану;

6) бөлімнің ұйымдық, құқықтық, ақпараттық–сараптама жұмыстарын және оны материалдық-техникалық қамтамасыз етуді іске асыру;

7) қолданыстағы заң актілермен ескерілген өзге де құқықтарды жүзеге асыру болып табылады.

2. Бөлімнің міндеттемелері:

- Жарма ауданының аумағында мәдениет пен өнерді жаңғырту, сақтау, дамыту, көпшілікке тарату және тілдерді дамыту, мемлекеттік саясаттың негізгі бағыттарын іске асыруды қамтамасыз ету.

 - Жарма ауданының аумағында мәдениет пен  өнерді жаңғырту, сақтау, дамыту, танымал ету және тілдерді дамыту саласындағы мемлекеттік саясатты іске асыру болып табылады.

 

15. Бөлімнің функциялары:

1) театр, музыка және кино өнері, кітапхана және мұражай ісі,         саласында ауданның мемлекеттік мәдениет ұйымдарын құрады, сондай-ақ олардың қызметін қолдау және үйлестіруді жүзеге асырады;

2) жергілікті маңызы бар тарихи, материалдық және рухани мәдени ескерткіштерді есепке алу, сақтау және пайдалану жөніңдегі жұмысты ұйымдастырады;

3) ауданның, облыстық маңызы бар қаланың жаппай мәдени іс-шараларын, сондай-ақ әуесқой шығармашылық бірлестіктер арасында байқау, фестиваль және конкурс өткізуді жүзеге асырады;

4) ауданның мемлекеттік мәдениет мекемелерін аттестаттаудан өткізеді;

5) өзінің құзыреті аясында мәдениет саласындағы коммуналдық меншікті басқаруды  жүзеге асырады;

6) ауданның мәдени  мақсатта тағайындалған объектілерінің құрылысы, құрылысты қайта жаңарту және жөндеу туралы тапсырысшы бола алады;

7) мемлекеттік мәдениет мекемелерін материалдық-техникалық қамтамасыз етуін қолдайды және жәрдем көрсетеді;

8) ауданның  мемлекеттік кітапханаларының біріне «Орталық» деген мәртебе ұсынады.

9) мемлекеттік тілді және басқа тілдерді дамытуға бағытталған аудандық деңгейдегі іс-шараларды жүргізеді;

10) облыстардың атқарушы органдарына ауылдар, кенттер, ауылдық округтердің атауы және олардың атауын қайта өзгерту, сондай-ақ олардың атауының транскрипциясын өзгерту туралы ұсыныс енгізеді;

11) Қазақстан Республикасының «Әкімшілік құқық бұзушылық туралы» 2014 жылғы 5 шілдедегі №235-V Кодексінің 729 бабының 1 тармағы негізінде осы Кодекстің 75 бабында көзделген әкімшілік құқық бұзушылықтар туралы істерді қарау.

          12) жергілікті мемлекеттік басқару мүддесі үшін Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады.

3-тарау. Мемлекеттік органның бірінші басшысының мәртебесі, өкілеттіктері

16. Бөлімді басқаруды бірінші басшы жүзеге асырады, ол Бөлімге жүктелген мiндеттердiң орындалуына және оның өз өкілеттіктерін жүзеге асыруына дербес жауапты болады.
17. Бөлімнің бірінші басшысы Қазақстан Республикасының заңнамасына сәйкес лауазымға тағайындалады және лауазымынан босатылады.
18. Бөлімнің бірінші басшысының өкілеттіктері:

• Бөлім қызметкерлерін тағайындайды және лауазымдарынан босатады;
• белгіленген заңнамалық тәртіппен Бөлім қызметкерлерін ынталандыруды жүзеге асырады;
• белгіленген заңнамалық тәртіппен Бөлім қызметкерлеріне тәртіптік жаза тағайындайды;
• өз құзырының шегінде бұйрықтар шығарады, нұсқаулар береді, қызметтік құжаттарға қол қояды;
• Мемлекеттік органдарда және өзге де ұйымдарда Бөлімнің атынан өкілдік етеді;
• Бөлімнің құзырына кіретін мәселелер бойынша нормативтік құқықтық актілерді, бағдарламалардың жобаларын және басқа да құжаттардың орындалу барысын бақылайды;
• Бөлімнің құзырына кіретін мәселелер бойынша есептік материалдарды дайындау жөніндегі жұмыстарды бақылайды;
• Бөлімнің даму жоспарының іске асырылу барысын үйлестіреді;
• Белгіленген тәртіппен қаржылық-экономикалық және шаруашылық қызметтерінің мәселелерін шешеді, бюджеттік қаражаттардың тиімді және мақсатты орындалуын бақылайды;
• заңдылықтың, Бөлімнің қызметіндегі келісім-шарттық және қаржылық тәртіптің сақталуын қамтамасыз етеді;
• сыбайлас жемқорлыққа қарсы іс-қимыл бойынша қажетті шаралар қабылдайды және ол үшін дербес жауапкершілік алады;
• Қазақстан Республикасының заңнамасына сәйкес өзге де өкілеттілікті жүзеге асырады.

         Бөлімнің бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.

4-тарау. Мемлекеттік органның мүлкі

19. Бөлімнің заңнамада көзделген жағдайларда жедел басқару құқығында оқшауланған мүлкi болу мүмкін.

Бөлімнің мүлкi оған меншік иесі берген мүлiк, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады. Қазақстан Республикасының Ұлттық Банкі өзіне бекітіліп берілген, өзінің балансында тұрған мүлікті иелену, пайдалану және оған билік ету құқығын Қазақстан Республикасының атынан дербес жүзеге асырады.

20. Бөлімге бекiтiлген мүлiк коммуналдық меншiкке жатады.
21. Егер заңнамада өзгеше көзделмесе, Бөлім өзiне бекiтiлген мүлiктi және қаржыландыру жоспары бойынша өзіне бөлiнген қаражат есебiнен сатып алынған мүлiктi өз бетiмен иелiктен шығаруға немесе оған өзгедей тәсiлмен билiк етуге құқығы жоқ.

 5-тарау. Мемлекеттік органды қайта ұйымдастыру және тарату

22. Бөлімді қайта ұйымдастыру және тарату Қазақстан Республикасының заңнамасына сәйкес жүзеге асырылады.

Дата публикации

28 апреля 2025