Облыстық қаржы басқармасы ағымдағы жылдың 14 қарашасында Абай облысының қалалар мен аудандарының қаржы және экономика бөлімдерінің басшыларымен отырыс өткізді.

Күн тәртібінде 10 ай ішінде бюджет қаражатын игеру, 2023 жыл бойынша игерілмей қалу қауіпі, жартыжылдық шоғырландырылған есептілікті қалыптастыру қорытындылары және жылдық есептілікті тапсыру мәселелері қаралды.

Жыл соңына дейін толық пайдаланылмаған нысаналы трансферттерді қайтару мәселесі талқыланды.

Жиналыс Ұлттық валюта күні қарсаңында болғанын ескере отырып, өз сөзінде қаржы басқармасының басшысы Әділет Нұрсағатұлы барлығын кәсіби мерекемен құттықтап, қаржы саласының қызметкерлерін алғыс хаттармен марапаттады.