Абай облысы денсаулық сақтау
басқармасының
2024 жылғы «___» ақпандағы
№ _____ бұйрығына
3 қосымша
«Абай облысының денсаулық сақтау басқармасы»
мемлекеттік мекемесі
Стационарлық көмек бөлімі туралы
ЕРЕЖЕ
1.4. Бөлім құрамы:
1) Бөлім басшысы;
2) 2 бас маман.
2.1. Бөлімнің негізгі міндеттері:
2.1.1. тегін медициналық көмектің кепілдік берілген көлемі (бұдан әрі – ТМККК) және міндетті әлеуметтік медициналық сақтандыру (бұдан әрі – МӘМС) шеңберінде әдістемелік басшылықты қалыптастыру, стационарлық және стационарды алмастыратын көмек көрсетуді және жетілдіруді бақылау, сондай-ақ жоғары технологиялық медициналық қызметтерді дамыту;
2.1.2. жоғары тұрған органдарға қажетті ағымдағы және жедел ақпаратты ұсыну;
2.1.3. Денсаулық сақтау саласындағы мемлекеттік, өңірлік бағдарламалар мен стратегиялық жоспарларды әзірлеу және олардың мониторингі бойынша жұмыс жүргізу.
2.2. Бөлімнің негізгі функциялары:
2.2.1. стационарлық және стационарды алмастыратын медициналық көмек көрсетуді ұйымдастыру мәселелері бойынша облыстың медициналық ұйымдарына әдістемелік және практикалық көмек көрсету;
2.2.2. стационарлық және стационарды алмастыратын медициналық көмек көрсетуді ұйымдастыру мәселелері бойынша облыстың медициналық ұйымдарының басшыларымен және мамандарымен консилиумдарды, кеңестерді ұйымдастыру және қатысу;
2.2.3. ТМККК және МӘМС шеңберінде стационарлық және стационарды алмастыратын медициналық көмек көрсетуді ұйымдастыру мәселелері бойынша ақпараттық-талдау материалдарын дайындау;
2.2.3. стационарлық жағдайларда терапиялық (ревматологиялық, пульмонологиялық, эндокринологиялық), хирургиялық, офтальмологиялық көмекті, пластикалық хирургияны (реконструктивті-қалпына келтіру хирургиясы)ұйымдастыруды үйлестіруді жүзеге асыру;
2.2.4. Қазақстан Республикасының азаматтарын бюджет қаражаты есебінен шетелге емделуге жіберу қызметін ұйымдастыру;
2.2.5. Бөлімнің құзыреті шегінде мамандандырылған (бұдан әрі - ЖМК) және жоғары технологиялық медициналық көмек (бұдан әрі – ЖТМК) көрсететін республикалық денсаулық сақтау ұйымдарымен қызметті жүзеге асыру;
Бөлім құқылы:
3.1. сыртқы ұйымдармен байланыс орнату;
3.2. Басқарма бөлімдерінен және басқа да мемлекеттік органдардан Бөлімге жүктелген функцияларды орындау үшін ақпарат сұрату және алу;
3.3. басқарма басшысының қарауына Бөлімнің құзыретіне кіретін мәселелер бойынша ұсыныстар еңгізу;
3.4. басқарма басшысының келісімі бойынша кеңестер өткізу;
3.5. Бөлімнің құзыретіне кіретін мәселелерді қарау кезінде басқарма басшысының сенімхаты бойынша соттарда және басқа органдарда басқарма мүдделерін білдіру.
4.1. мемлекеттік қызметшілердің Қазақстан Республикасының заңнамасы мен нормативтік құқықтық актілерін сақтауын талап ету;
4.2. Басқармада Қазақстан Республикасының Үкіметі айқындайтын тәртіппен Қазақстан Республикасының нормативтік құқықтық актілеріне мониторинг жүргізуді қамтамасыз ету;
4.3. Бөлімнің құзыретіне жатқызылған Мемлекет басшысының, Қазақстан Республикасы Президенті Әкімшілігінің және Үкіметінің тапсырмаларының уақтылы және сапалы орындалуын қамтамасыз ету;
4.4. Бөлімнің құзыретіне жатқызылған жеке және заңды тұлғалардың өтініштерін уақтылы қарауды қамтамасыз ету.
5.1. Бөлім заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын жүзеге асыру үшін қажетті құқықтар мен міндеттерге ие.
5.2. Бөлімді Қазақстан Республикасының заңнамасында белгіленген тәртіппен қызметке тағайындалатын және қызметтен босатылатын бөлім басшысы басқарады.
5.3. Бөлім басшысы қызметіне жалпы басшылықты жүзеге асырады және Бөлімге жүктелген міндеттердің орындалуына және оның өкілеттіктерін жүзеге асыруға дербес жауапты болады.
5.4. Бөлім басшысы Бөлімнің құрылымы мен штат саны бойынша ұсыныстарды Басқарма басшысына ұсынады.
5.5. Бөлімнің құзыретіне кіретін мәселелер бойынша Бөлім атынан басқа құрылымдық бөлімшелерге жіберілетін құжаттарға бөлім басшысы, ал болмаған жағдайда - оның орынбасары қол қояды.
5.6. Бөлім басшысы басқарма басшысына өз мамандарын марапаттауға немесе көтермелеуге ұсынады. Қолданыстағы заңнамаға сәйкес Басқарма басшысына бөлім мамандарына бұрын қолданылған тәртіптік жазаны алып тастау немесе қолдану туралы өтініш бере алады.
6.1 Осы Ережеде көзделген Бөлімге жүктелген функциялардың орындалуына бөлім басшысы жауапты болады.
6.2. Бөлім мамандарының жауапкершілік дәрежесі лауазымдық нұсқаулықтармен, осы Ережемен және Қазақстан Республикасының заңнамасымен белгіленеді.
6.3. Бөлім мамандары жауапты:
6.3.1. лауазымдық міндеттеріне сәйкес функцияларды уақтылы, адал және сапалы орындау;
6.3.2. атқарушылық және еңбек тәртібін сақтау;
6.3.3. еңбекті ұтымды ұйымдастыру;
6.3.4. бөлім мен басқарманың материалдық-техникалық базасын тиісті тәртіппен ұстау;
6.3.5. Басқарма бөлімі мен ұжымында оңтайлы моральдық-психологиялық ахуалды қамтамасыз ету.
6.4. Бөлім мамандары өздерінің кәсіби және білікті деңгейлерін көтеру үшін үнемі жұмыс істейді.
Өндірістік қажеттілік жағдайында осы Ережеге өзгерістер мен толықтырулар енгізілуі мүмкін.