Жанель Еркебұланқызы Алтаева 1998 жылғы 6 тамызда Семей қаласында дүниеге келген. 2020 жылы «Астана медицина университеті» КеАҚ-да, 2022 жылы «Семей медицина университеті» КеАҚ-да «Жалпы медицина» мамандығы бойынша білім алған.
Еңбек жолын 2021 жылы Семей қаласындағы «Аралас үлгідегі № 6 емхана» медициналық мекемесінде қоса атқарушы учаскелік мейіргер қызметінен бастады.
2022–2023 жылдары Семей қаласындағы Степной кентінің № 4 отбасылық дәрігерлік амбулаториясында жалпы практика дәрігері болып жұмыс істеді.
2023 жылы Абай облысы денсаулық сақтау басқармасының «Семей қаласының № 9 емханасы» ШЖҚ КМК-да әдіскер дәрігер қызметін атқарды.
2023 жылғы қазаннан бастап Абай облысының денсаулық сақтау басқармасында төтенше жағдайлар және жұмылдыру дайындығы жөніндегі бас маманның міндетін атқарушы, кейін бас маман болып жұмыс істеді.
2024 жылғы ақпаннан 2026 жылғы ақпанға дейін Абай облысының денсаулық сақтау басқармасының амбулаториялық-емханалық көмек және дәрі-дәрмекпен қамтамасыз ету бөлімінің бас маманы қызметін атқарды.
2026 жылғы 2 ақпаннан бастап Абай облысының денсаулық сақтау басқармасының амбулаториялық-емханалық көмек және дәрі-дәрмекпен қамтамасыз ету бөлімінің басшысы қызметін атқарып келеді.