№ 1 бірмандаттық аумақтық сайлау округі бойынша Бородулиха аудандық мәслихатының шығып қалған депутатының орнына сайлауды тағайындау туралы
«Қазақстан Республикасындағы сайлау туралы» Қазақстан Республикасы Конституциялық заңының 14-бабының 2-3) тармақшасына, 101-бабының 1-тармағының 4) тармақшасына, 3-1 және 6-тармақтарына сәйкес Бородулиха ауданының аумақтық сайлау комиссиясы ҚАУЛЫ ЕТЕДІ:
- № 1 бірмандаттық аумақтық сайлау округі бойынша Бородулиха аудандық мәслихатының шығып қалған депутатының орнына сайлау 2025 жылғы 26 қазанға тағайындалсын.
- Кандидаттарды ұсыну мерзімі 2025 жылғы 27 тамыздан 25 қыркүйекке дейін, кандидаттарды тіркеу мерзімі 2025 жылғы 30 қыркүйекке дейін белгіленсін.
- Осы қаулыға қосымшаға сәйкес 2025 жылғы 26 қазанға тағайындалған, Бородулиха аудандық мәслихатының шығып қалған депутатының орнына сайлауды әзірлеу мен өткізу жөніндегі негізгі іс-шаралардың Күнтізбелік жоспары бекітілсін.
- Осы қаулы «Жана Уакыт». «Новое Время » аудандық газетінде және Бородулиха ауданының аумақтық сайлау комиссиясының интернет-ресурсында орналастырсын.
Төраға С. Харченко
Хатшы А. Мухаева
Бородулиха ауылы
2025 жылғы 27 тамыз
№ 33