Бородулиха ауданында стационарлық емес сауда объектілерін орналастыру орындарын айқындау және бекіту туралы

ЖОБА

 

Бородулиха ауданында стационарлық емес сауда объектілерін орналастыру орындарын айқындау және бекіту туралы

        

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 31 - бабы 1-тармағының 4-2) тармақшасына, «Құқықтық актілер туралы» Қазақстан Республикасы Заңының 27-бабының 1-тармағына, Қазақстан Республикасы Ұлттық экономика министрінің міндетін атқарушының 2015 жылғы 27 наурыздағы № 264 бұйрығымен бекітілген Ішкі сауда қағидаларының 73-тармағына (нормативтік құқықтық актілерді мемлекеттік тіркеу тізілімінде № 11148 болып тіркелген) сәйкес, Бородулиха ауданының әкімдігі ҚАУЛЫ ЕТЕДІ:

  1. Осы қаулының қосымшасына сәйкес Бородулиха ауданында стационарлық емес сауда объектілерін орналастыру орындары айқындалсын және бекітілсін.
  2. «Бородулиха ауданының кәсіпкерлік және ауыл шаруашылығы бөлімі» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулының Абай облысының Әділет департаментінде мемлекеттік тіркелуін;

2) осы қаулы ресми жарияланғанынан кейін Бородулиха ауданы әкімдігінің интернет-ресурсында орналастырылуын қамтамасыз етсін.

  1. Бородулиха ауданы әкімдігінің 2023 жылғы 22 ақпандағы № 57 «Бородулиха ауданында стационарлық емес сауда объектілерін орналастыру орындарын айқындау және бекіту туралы» (Нормативтік құқықтық актілерді мемлекеттік тіркеу тізілімінде №178875 болып тіркелген) қаулының;

Бородулиха ауданы әкімдігінің «Бородулиха ауданында стационарлық емес сауда объектілерін орналастыру орындарын айқындау және бекіту туралы» қаулысына өзгеріс енгізу туралы Бородулиха ауданы әкімдігінің 2024 жылғы       28 наурыздағы № 89 қаулысының (Нормативтік құқықтық актілерді мемлекеттік тіркеу тізілімінде №195387 болып тіркелген) күші жойылды деп танылсын.

  1. Осы қаулының орындалуын бақылау Бородулиха ауданы әкімінің орынбасары Е.Ж.Селихановқа жүктелсін.
  2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Бородулиха ауданының әкімі                                                                    А.Ибраев

Дата публикации
20 сентября 2024