Жер қатынастары

Жер қатынастары-бұл мемлекеттік органдар, жергілікті өзін-өзі басқару органдары, заңды тұлғалар, азаматтар арасындағы жерді иеленуге, пайдалануға және билік етуге, сондай-ақ мемлекеттік жер ресурстарын басқаруға қатысты қоғамдық қатынастар.

1. Жер учаскелерін басқару

• жер учаскелерін жалға немесе тұрақты пайдалануға беру;

• жерді пайдалану құқығына актілерді рәсімдеу;

• жер учаскелерінің шекараларын келісу.

2. Жерді пайдалану барысын бақылау

• жердің нысаналы мақсатқа сай пайдаланылуын тексеру (мысалы: ауыл шаруашылығы жерлері өз мақсатында қолданылуы);

• пайдаланылмай жатқан, өз бетінше иеленілген немесе заңсыз қоршалған учаскелерді анықтау;

• нысаналы мақсатқа сай пайдаланылмаған жерлерді қайтарып алу үшін материалдар дайындау.

3. Жерге орналастыру жұмыстарына қатысу

• жерді межелеу, учаске шекараларын нақтылау жұмыстарын ұйымдастыру;

• жер-кадастрлық құжаттарды дайындауға қатысу;

• жерге орналастыру жобаларын келісу.

4. Кадастрлық есепті қамтамасыз ету

• мәліметтерді жер кадастрына жолдау;

• округ аумағындағы бос жер учаскелерінің тізімін жүргізу;

• тұрғындарға анықтамалар мен растайтын құжаттар беру.

5. Азаматтардың өтініштерімен жұмыс

• жер учаскелеріне қатысты өтініштерді қарау (беру, айырбас, кеңейту, жалға алу);

• тұрғындарға жер заңнамасы бойынша кеңес беру;

• жер мәселелері бойынша әкімнің шешімдері мен актілерін дайындау.

6. Экологиялық және санитарлық бақылау

• жерді ластаудың алдын алу;

• абаттандыру, жайылымдарды пайдалану қағидаларының сақталуын бақылау;

• жайылымдарды тиімді пайдалану схемаларын әзірлеуге қатысу.

7. Ресми құжаттаманы жүргізу

• жер қоры бойынша есептер дайындау;

• аудандық әкімдікке немесе уәкілетті органдарға ақпарат ұсыну;

• жер мәселелері бойынша қабылданған барлық шешімдерді тіркеу.