Абай облысы Бородулиха ауданы Петропавл ауылдық округі әкімінің аппараты

«Абай облысы Бородулиха ауданының Петропавловка ауылдық округі әкімінің аппараты» мемлекеттік мекемесі (бұдан әрі - Әкім аппараты) Петропавловка ауылдық округі әкімінің және әкімдігінің қызметін жүзеге асыратын Қазақстан Республикасының мемлекеттік органы болып табылады.

 Әкім аппараты өз қызметін Қазақстан Республикасының Конституциясына және Қазақстан Республикасының басқа да заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

Әкім аппараты мемлекеттік мекеменің ұйымдық-құқықтық нысанындағы заңды тұлға болып табылады, қазақ тілінде өз атауы бар мөрі мен мөртаңбалары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.

Абай облысы Бородулиха ауданының Петропавловка ауылдық округінің әкімі өз құзыретінің мәселелері бойынша заңнамада белгіленген тәртіппен нормативтік-құқықтық сипаттағы шешімдер және әкімшілік-өкімдік, жеке және шұғыл сипаттағы өкімдер және Қазақстан Республикасының заңнамасында көзделген басқа да актілерді қабылдайды.