⚡️Жарма ауданында балаларға арналған бокс алаңы ашылады

Ақтайлақ би атындағы орта мектептің түлектері оқушыларға бокс залын сыйға тартты

1 маусым - Халықаралық балаларды қорғау күніне орай 2004 жылғы 30 түлектің қолдауымен Үшбиік ауылдық жастар клубында бокс алаңы ашылады. 6 мен 17 жас аралығындағы жасөспірімдерге арналған бокс залы жастарды салауатты өмір салты мен спортпен шұғылдануға баулу мақсатында құрылған.

Бокс залының ауданы - 100 шаршы метр. Жаттығуға қажетті барлық заттармен жабдықталған: төрт бокс тұлыбы, ринг және жаттығуға арналған құралдар бар. Бокс алаңының ресми ашылуы 9 маусымда өтеді.

Ақтайлақ би атындағы орта мектеп түлектерінің бастамасы ауданның спорттық инфрақұрылымын дамытуға елеулі үлес қосады және балалардың белсенді және салауатты өмір салтына деген ұмтылысын қолдайды.