2024 жылғы 1 қыркүйектен бастап Абай облысының барлық жалпы білім беру ұйымдары «BilimClass» жаңа электрондық журналына көшті. Бұл журнал оқушылардың үлгерімі, сабаққа қатысуы, үй тапсырмалары және басқа да оқу материалдары туралы ақпаратқа қолжетімділікті қамтамасыз етеді, ал жарнамалар мен ақылы функциялар жоқ.
«BilimClass» жүйесіне көшкен барлық білім беру ұйымдарына мұғалімдер, оқушылар және олардың ата-аналары үшін тегін цифрлық ресурстар ұсынылды. Сондай-ақ аудандық және облыстық деңгейде мектептер, сыныптар және пәндер бойынша білім сапасын мониторингтеу мүмкіндігі пайда болды. Bilimcenter.kz модуліне тегін қолжетімділік берілді – ол халықаралық зерттеулерге (PISA, TIMSS, PIRLS, МОДО) дайындық кезінде функционалдық сауаттылықты қалыптастыру және бағалау үшін цифрлық портал болып табылады. Аталған модульде біліктілікті арттыру курстарынан өткеннен кейін мониторинг және сертификаттау қарастырылған.
2022 жылғы 14 қарашадағы № 456 Қазақстан Республикасы Оқу-ағарту министрінің бұйрығына сәйкес, мектептерде қосымша оқу материалдары ретінде мультимедиялық мазмұны бар цифрлық білім беру ресурстары (ЦБР) белсенді түрде қолданылады. Бүгінгі күні барлық білім беру деңгейлеріндегі пәндердің 100%-ға жуығын қамтитын 50 мыңнан астам цифрлық ресурс жасалған.
Қазіргі уақытта Абай облысының барлық 302 мектебі нақты уақыт режимінде цифрлық білім беру ресурстарына қосылған. Олардың ішінде:
Мұғалімдер цифрлық білім беру ресурстарын сабақтарында белсенді түрде қолдануда, бұл білім беру үдерісінің сапасын жақсартуға ықпал етеді.