Білім беру саласын одан әрі дамытудың негізгі векторлары Елбасының Қазақстан-2050 Стратегиясында, жыл сайынғы Жолдауларда, «Болашаққа бағдар: Рухани жаңғыру», «Ұлы даланың жеті қыры» мақалаларында, Қазақстан Республикасында білім беруді және ғылымды дамытудың 2020 – 2025 жылдарға арналған мемлекеттік бағдарламасында белгіленгені баршаға мәлім.
Ұлағатты ұрпақ тәрбиелеу-аса жауапты әрі күрделі міндет. «Адамның адамгершілігі жақсы ұстаздан болады» -деп Ы.Алтынсарин атап өткендей, оқу - тәрбие жұмысындағы мақсат- міндеттер бойынша маңызды жұмыстар атқарылды.
Кадр мәселесі. Аудан бойынша 21 жалпы білім беретін мектеп жұмыс істейді. 2019-2020 оқу жылына педагогтардың жалпы саны 563, оның ішінде жоғары, шебер және зерттеушілердің санаты 141 мұғалім, бірінші, сарапшы 144 мұғалім, екінші және модератор 123 мұғалім, 155 санаты жоқ мұғалім. Осы уақытта аудан бойынша бос орындар саны -31 мұғалім: математика - 5, химия-биология-4, орыс тілі мен әдебиеті-2, музыка-3, ағылшын тілі-5, география-2, тарих-3, физика-3, АӘД-3, өзін-өзі тану-1 мұғалім.
Материалдық - техникалық базаны нығайту.
2020 жылға ауданның жалпы білім беретін мектептерінде жөндеу жұмыстарын жүргізу үшін 154270,0 млн теңге облыстық бюджеттен бөлінді. Осы жөндеу жұмыстарына "Үлкен Владимировка орта мектебі" КММ базасында футбол алаңын орнату, Мостик және Қара-Мырза мектептерінде мектеп жасына дейінгі балалар толық болатын шағын-орталықтарды ашу кіреді.
Долон, Өндіріс, Борас, Беген мектептерінде қазандық пен жылу трассасын жөндеу, Долон, Канонерка, Қоянбай, Қара-Мырза, Семеновка, Өндіріс мектептерінде жылы дәретханаларын жөндеу және Жыланды мен Белокаменка негізгі мектептерінде екі модульді дәретханаларды орнату жұмыстары жоспарлануда.
Қосымша жергілікті бюджеттен 36815,6 млн. теңге бөлініп, аталған қаржыға автобус, мектеп парталары, компьютерлік техника, мемлекеттік рәміздер, интерактивті тақта, мектеп жиһаздары, мультимедиялық кабинет, маркелік тақталар ноутбуктер, робототехника-леголар, принтерлер, проекторлар, планшеттер, жүйелік блоктар сатып алынатын болады.
Алғаш рет барлық мұғалімдерге БЖБ және ТЖБ жұмыстарына қолдану үшін 4 дана кеңсе қағазы 2864,0 млн теңгеге сатып алынды.
13 мектепке 5280,0 млн теңгеге спорт тауарлары сатып алынуда. 928 оқушыға 17404,0 млн теңгеге мектеп формасы, 1032 оқушыға 10320,0 млн теңгеге аяқ киім сатып алу жоспарлануда.
Мектепке дейінгі білім беру. Мектеп жасына дейінгі мекемелер саны -2 мемлекеттік бала бақша, бала саны 225, жеке меншік бала - бақша саны -2, бала саны 44, толық күнді шағын орталық -9, бала саны 240, 21 қысқа мерзімді шағын орталық, бала саны 376.
2020 жылы бүлдіршіндерді мектепке дейінгі білім беру мекемесімен қамту деңгейін 100 пайызға жеткізу мақсатында Беген орта мектебіндегі "Балауса" шағын орталығының жанынан 15 орынға арналған "Балапан" балабақша тобы ел игілігіне берілді. 3 жаңа жұмыс орны ашылды.
Сонымен қатар Қазақстан Республикасында білім мен ғылымды дамытудың 2020-2025 жылдарға арналған мемлекетік бағдарламасын жүзеге асыру аясында Семеновка, Мостик, Долон орта, Қара Мырза негізгі мектептерінде толық күндік шағын орталықтар ашу жұмыстары жүргізілуде.
Қазіргі таңда Бөдене орта мектебінде оқу кабинеттерінің жетіспеушіліне байланысты үшінші қабатты іске қосу бойынша жобалау - құжаттама сметалары жасалып, 1 - ші қабатта шағын орталық ашу, дизельді қозғалтқышпен жылуды көмірге ауыстыру жұмыстары жүргізілуде.
Бесқарағай ауданында 24 қаңтарда өткен инвестициялық форумда Бесқарағай ауданының әкімдігімен және «Евразия Агро Холдинг» ЖШС бас директоры С.Мукашевпен Бесқарағай ауылында 560 млн.теңге сомасына 120 орындық бала-бақша салу жобасы меморандумына қол қойылды.
Білім сапасы. Білім сапасын арттыру - ұстаздар құрамының білім сапасының мониторингі және оқушыларды қорытынды аттестаттау жекелеген пәндер бойынша білім сапасының жеткіліксіз болу себептерін және оқытушының білім сапасын жоғарылатудағы жұмысындағы кемшіліктерді анықтау мақсатында жүргізіледі. Әдістемелік жұмыста жағымды өзгерістерді атап өтуге болады, бұл білім беру сапасының артуына ықпал етуде. Білім сапасы мәселелері үнемі қадағаланып, педагогикалық кеңестерде, мәжілістерде талқыланады. Өткен оқу жылындағы білім сапасының көрсеткіштерін салыстыра отырып, оң үрдіс бар екенін атап өткен жөн. Жыл сайын білім сапасының өсуі байқалады.
|
Кезең |
2018-2019 |
2019-2020 |
|
1 тоқсан |
52,4% |
53,9% |
|
2 тоқсан |
53,09% |
58,1% |
|
3 тоқсан |
58,1% |
61,5% |
|
4 тоқсан |
57,8% |
|
|
Жылдық |
58,2% |
Білім сапасының жақсаруына байланысты, егер 2018-2019 оқу жылының 3-тоқсанында білім сапасы 58,1% болса, ағымдағы оқу жылының 3-тоқсанында 61,5% құрайды, бұл 3,4% -дан жоғары. 2019-2020 оқу жылының 3-тоқсанында 739 оқушы оқу жылын үздік бітіріп, 1073 «жақсы», білім сапасы 61,5% құрады. Жаратылыстану-математикалық цикл (1-11 сыныптар) бойынша білім сапасы 69,5%, әлеуметтік-гуманитарлық цикл (1-11 сыныптар) 73,8% құрайды. Оқушылар тарих, орыс, қазақ, география, биология, информатика пәндерінен жоғары сапалы білім көрсетуде. Физика, химия, математика пәндерінен бағалар төмен. Аумақтарды дамыту бағдарламасына сәйкес барлық көрсеткіштерге қол жеткізілді.
Инклюзивті білім беру.
0-ден 18 жасқа дейінгі ерекше қажеттіліктері бар балалар саны - 165 бала, оның ішінде 30 мектепке дейінгі балалар, 32 бала педагогикалық - психологиялық түзету кабинетінде, 18 бала үйде, 29 бала оңалту орталығында оқиды. Инклюзивті білім алу үшін 12 мектепте жағдай жасалған, 55 бала қамтылған.
Көптілді білім беруді дамыту. Үш тілді дамыту жөніндегі 2019-2021 жылдарға арналған Кешенді жоспарды орындау мақсатында 2020 жылы :
1. Сағат санын ұлғайту және сыныптарды 10-12 оқушыдан артық емес толықтырумен кіші топтарға бөлу есебінен ағылшын тілі мұғалімдерінің қосымша мөлшерлемесін қаржыландыруды қамтамасыз ету.
2. ҚР БҒМ ұсынған Cambridge University Press баспасының ағылшын тілі бойынша ауданның жалпы білім беретін мектептерін бірыңғай оқулықтармен қамтамасыз ету.
3. Пәндерді ағылшын тілінде оқытатын мұғалімдердің жалақысына қосымша ақы қарастыру жалғасуда.
Бесқарағай ауданы бойынша қазіргі уақытта жаратылыстану ғылыми циклдің 4 пәні (химия, физика, биология, информатика) бойынша 43 мұғалім біліктілігін арттыру курстарынан өтті.
биология - 10 педагог
химия-9 педагог
физика-14 педагог
информатика – 10 педагог
Сондай-ақ көптілді білім беруді дамыту шеңберінде менторлық курстар бойынша біліктілікті арттыру бағдарламасы бойынша қазіргі уақытта 26 мұғалім орнында практикалық курстар өтуде. Білім берудің жаңартылған мазмұнын енгізу шеңберінде үш тілде оқытуға кезең-кезеңімен көшуге және жекелеген пәндерді ағылшын тілінде оқытуды енгізуге дайындық іске асырылды. 2017-2019 оқу жылының қыркүйегінен бастап 17 мектепте пилоттық режимде жаратылыстану - ғылыми циклдің жекелеген пәндерін ағылшын тілінде оқыту және ағылшын тілі элементтерін пәндерде оқытуға енгізу басталды.Осылайша 2017-2020 оқу жылынан бастап үш тілде оқыту ауданның 17 мектебінде жүзеге асырылады.Кешенді жоспарды орындалу нәтижесінде 2021 жылға қарай мынадай нәтижелерге қол жеткізілетін болады: 1. Тіл пәндері мұғалімдерінің кәсіби құзыреттілігін арттыру;
Оқушыларды ыстық тамақпен қамтамасыз ету.
2019-2020 оқу жылында 21 мектепте ыстық тамақ ұйымдастырылды, бұл 100% құрайды. Тегін ыстық тамақпен аз қамтылған және көп балалы отбасылардан шыққан 762 бала қамтылды.
Оқушыларды тасымалдау.
Ауданның 10 мектебіне 281 оқушыға тасымалдау ұйымдастырылды, бұл тасымалдауға мұқтаждардың 100% құрайды.
Қосымша білім беру.
Аудан мектептерінде жастардың бос уақытын ұйымдастыру, тәрбиелеу, дамыту үшін қажетті жағдайлар жасалуда. 2019-2020 оқу жылында 420 баланы қамтыған Шығармашылық үйінің 17 үйірмесі жұмыс істейді, Балалар өнер мектебінде 135 баланы қамтыған 8 бөлім (домбыра, қобыз, фортепиано, кларнет, синтезатор, түймелік аккардеон, вокал, өнер бөлімі) ұйымдастырылған. Жалпы білім беретін мектептерде спорт түрлері бойынша мектеп оқушылары үшін 158 секция, оның ішінде 1951 бала. Спорттық секциялар ақысыз негізде өткізіледі.
Құқық бұзушылықтың алдын - алу.
Тәрбие жұмысының негізгі бағыттарының бірі - кәмелетке толмағандар арасындағы құқық бұзушылықтардың, қадағалаусыз және панасыз қалудың алдын -алу болып табылады. Құқық бұзушылықтың алдын алу, суицидтік мінез - құлық, мектептерде кәмелетке толмағандарды адамгершілік-жыныстық тәрбиелеу мәселелерімен 23 психолог, 21 директордың тәрбие ісі жөніндегі орынбасары және 2 мектеп инспекторы айналысады.Құқық бұзушылықтың алдын-алу мәселелері Бесқарағай ауданы әкімдігінің жанындағы кәмелетке толмағандардың ісі және балалардың құқықтарын қорғау жөніндегі комиссияда қаралады. Кәмелетке толмаған балаларды тәрбиелеп отырған тұрмысы төмен отбасыларға рейдтер ұйымдастырылды. Жыл ағымында барлық жалпы білім беретін мектептерде "Жасөспірім. Заң. Қауіпсіздік" атты акциялар, іс-шаралар, сынып сағаттары аудандық полиция бөлімімен бірлесе өткізіледі.Қаңтар айында Қазақстан Республикасының азаматтары болып табылатын балаларды асырап алуға беруге рұқсат беру мүмкіндігі (мүмкін еместігі) туралы қорытынды шығарған Комиссияның 1-ші отырысы өткізілді. Отырыста 5 іс қаралды, нәтижесінде баланы асырап алу мүмкіндігі туралы 1 оң қорытынды және балаларды басқаға беру мүмкін еместігі туралы 4 қорытынды шығарылды, өйткені балалардың ата-аналары ата-аналық құқығынан айырылмаған, бірақ ата-ана құқықтарымен шектелген.
Оқушылардың демалысын ұйымдастыру жұмыстары.
Қыс айларында «Елімай» демалыс базасында жетім балалар, ата-анасының қамқорлығынсыз қалған балалар, көпбалалы, аз қамтылған отбасылардың балалары, "қауіп" тобының балалары, оқуда, спортта және шығармашылықта ерекше көзге түскен оқушылар санатынан 344 бала қысқы демалыспен қамтылды.
«Болашаққа бағдар:Рухани жаңғыру» бағдарламасын жүзеге асыру жұмыстары.
«Болашаққа бағдар: рухани жаңғыру» бағдарламасын жүзеге асыру жөніндегі аудандық білім беру бөлімінің 2019-2020 оқу жылына арналған жұмыс жоспары бекітілді. Білім беру бөлімі, аудан мектептері бойынша 49 іс - шара өткізілді. Қазан айында қазақ тілі мен әдебиеті пәні мұғалімдерінің ұйымдастыруымен 8-11 сынып аралығында «Абай әлемі» атты әдеби-сазды кеш өткізілді.
Мектеп кітапханаларында «Кітап сыйла» акциясы, 1-4 сынып арасында «Кітапханаға саяхат» ашық кітап көрмелері ұйымдастырылды. «Ауылым – алтын бесігім» атты дөңгелек үстел, «Еңбегімен еленген, ел ардақтылары», «Латын әліпбиі - біздің болашағымыз» атты аудандық семинарлар өткізілді. «Туған жерім-алтын бесігім» атты аудандық ғылыми- тәжірибелік конференция өткізіліп, конференцияға аудан мектептерінің оқушылары мен ұстаздары қатысты.
Үлкен Владимировка орта мектебінде «Болашаққа бағдар:Рухани жаңғыру» бағдарламасы аясында "Бесқарағай ауданының құрметті азаматы", меценат, аталған мектеп түлегі Құмар Ершеұлы Мұқашев оқушыларға 30 жұп шаңғы, 68 футбол, 24 волейбол, 19 баскетбол былғары доптарын сыйға тартты.
«Рухани жаңғыру» бағдарламасының "Тәрбие және білім" ішкі бағдарламасын жүзеге асыру аясында өткен тарихшылардың "Менің кіші Отаным" облыстық конкурсында 3-орын алғаны үшін Үлкен- Владимировка орта мектебінің 9 сынып оқушылары Кабенова Диана дипломмен, Ғазизова Меруерт, Елемесова Әмина, Марс Дария, Кабенова Диана арнайы сертификаттармен марапатталды.
"Өлеңге әркімнің -ақ бар таласы" атты көркем сөз оқу сайысында 3-ші орын алған Өндіріс орта мектебінің 11 сынып оқушысы Аружан Жанабаева Қазақстан-Американдық еркін университетінің бакалавриат бағдарламасында оқу үшін 15% жеңілдікке ие болды.
Алматы қаласында өткен I- ші Республикалық Абай Құнанбайұлының қара сөздеріндегі аффоризмдерді талдау олимпиадасы және ақындар мүшәйрасында Өндіріс орта мектебінің 9 сынып оқушысы Таукенова Жаннұр I -ші орынға ие болып, жеңімпаз атанды.
Осы бағытта жұмыстар жалғасуда.
Бесқарағай аудандық білім беру бөлімінің басшысы С.Қ. Омарғазин