Бүгінгі күні ауылымыз бойынша 136 шаруа қожалығы тіркелген болса осының 21 шаруа қожалығы өз қыстақтарында малдарын бағуда.
2025 жылдың бірінші қаңтарында ірі қара саны 7279 бас, ұсақ мал 18022бас, жылқы 7061 бас, түйе 13 бас, 3000 құс тіркелді.
Мал басының өсуінің оның өнімдерін аттырудың кепілдігі мал дәрігерлік алдын-алу шараларының дұрыс уақытында жүргізілуі. Осы жұмыстарды атқару үшін ауылда 1 вет пункт меңгерушісі, 3 мал дәрігері, 3 вет санитар, 1вет техник жұмыс істейді. 2024 жылы көктемде 4100 бас ірі қарадан қан алынып, серологиялық тексергенде 15 бас ірі қара бруцеллезге шалдықты. Күзде 4000 бас мүйізді ірі қарадан қан алынып, тексергенде таза нәтиже берді. Ұсақ мүйізді мал қой ешкі көктемде 9960бас, күзде 9960 бастан қан алынып тексерілді, 2024 жылы 14 иттен қан алынып, 78 бас ит пен мысық жойылды. МІҚ 7300 бас құтыруға егілді. Аусылға 7300 бас, пастереллезге 4600 бас, сібір жарасына 4800 бас, қарасанға көктемде 3500, күзде 3500 бас 4 жасқа дейінгі жас малдар егілді.Түйінді дерматитке 7400 бас егілді. Туберклинге 2400 бас көктем мен күзде тексерілді.
2024 жылы 237млн 730 мың 500 теңге инвестиция тартылды , оның ішінде:
Несие -115 590 500 теңге:
21-35 жасқа дейінгі жастар бағдарламасы бойынша 1 адам 4млн 900мың теңге,
Аягөз несие серіктестігінен 8 адам 110млн 690 мың 500 теңге,
Ауыл шаруашылығы техникасын 1 шаруа қожалығы 1 трактор, 1 өзге де техника 17 млн 830 мың теңгеге алынды.