Ауданның агроөнеркәсіп кешені бойынша 2024 жылдың қаңтар-желтоқсан айларында ауданның өндірілген өнімнің жалпы көлемі 40 млрд. 556 млн. теңгені құрады, бұл көрсеткіш 2023 жылдың сәйкес кезеңімен салыстырғанда өсу қарқыны 115,7 процентті құрады. Нақты көлем индексі 101,2%. ІҚМ- 105 592 бас, былтырғы жылмен салыстырғанда өсу қарқыны 109,5%, ҰММ- 199 543 бас, былтырығы жылмен салыстырғанда 106,4%, жылқы- 57 028 бас, былтырғы жылмен салыстырғанда өсу қарқыны 117,5%. Ет- 25 893 тонна, былтырғы жылмен салыстырғанда өсу қарқыны 104,1%, сүт- 97 427 тонна, өсу қарқыны 114,4%. 2024 жылы 3,825 млрд. теңгенің қаржысы тартылды. Оның ішінде: «Қайтарымсыз қаржы» (субсидия) арқылы –1,386 млрд. теңге субсидия төленді; оның ішінде 182 өтінім бойынша инвестициялық субсидия көлемі 175,4 млн. теңге, 881 өтінім бойынша мал шаруашылығы саласына субсидия көлемі 1,210 млрд. теңге. «Ауыл шаруашылық техникаларын алу» бойынша- аудандағы 60 шаруа қожалықтары барлығы 52 трактор және 64 өзгеде техника алынды, қаржысы 659,2 млн. теңге.

ВЕТЕРИНАРИЯ САЛАСЫ

Аудан көлемінде республикалық бюджет есебінен  ауыл шаруашылық жануарларына  вакцина егу жұмыстары тегін жүргізілетін аса қауіпті жұқпалы ауруларға ( құтыру, аусыл, листериоз, пастереллез, сібір жарасы, қарасан, туберкулез, маңқа (сап)) қарсы іс-шаралар жүргізуге  бөлінген 139 млн 843 мың теңге қаражатқа 1 3610680 вакцинациялау жұмыстары жүргізіліп, осы мерзімге жоспарланған ветеринариялық жұмыстар 100 % орындалды. Жүргізілген ветеринариялық іс-шаралардың нәтижесінде биылғы жылға аса қауіпті жұқпалы аурулардың ошағы тіркелген жоқ. Өткен  жылы аудан көлемінде аса қауіпті ауылшаруашылық жануарларының 6  ошағы тіркелген.  (Олар: 3 құтыру ошақтары және 3 қарасан ошақтары).  Бруцеллез ауруына 113515  бас бас ірі қара тексерілген,  анықталған бруцеллез  458  бас, 327 басқа кеміген,  ұсақ малдан 219750 бас тексерілген, анықталған бруцеллез 35 бас, 136 басқа кеміген.