Ауылдық округтер әкімдерін сайлау және сайлау процесінің құқықтық негіздері, сайлау комиссиясының жұмысын ұйымдастыру тақырыбында Бидайық ауылдық округінің комиссия мүшелерімен семинар-кеңес өткізілді

№241 сайлау учаскесінің комиссия мүшелерімен сайлау құқығы принциптері мен сайлау комиссияларының қызметі мен қызметінің жариялығы,комиссия мүшелерінің мәртебесі, сенімді өкілдер мен бақылаушылардың құқы мен міндеттері туралы талқыланды.

Семинар-кеңестің басты мақсаты сайлауды барынша ашық, әділ, Заңды  өткізу әрбір сайлау комиссия мүшелерінің міндеті екені  түсіндірілді. Комиссия мүшелері өздерінің жұмыс барысында толғандырып жүрген сұрақтарын қойып, өз-ара пікір алмасты.

 Аудандық сайлау комиссиясының төрағасы семинар-кеңесті қорытындылай келе, Саяси науқанда ҚР Сайлау туралы Конституциялық Заңын басшылыққа алып,сайлаудың құқық принциптерін сақтай отырып ашық өтуіне басты назар аудару керектігін еске салды.