Қазақстандықтар тағы бір мемлекеттік қызметті онлайн ала алады

Қазақстандықтар өздерінің әлеуметтік төлемдері туралы ақпаратты онлайн режимінде алуға мүмкіндік алды. Енді қажетті анықтаманы қалай алуға болатындығы туралы «Азаматтарға арналған үкімет» мемлекеттік корпорациясында айтылды.

Қазақстанда цифрландыру қарқынды жүріп жатыр, қазірдің өзінде онлайн-режимде көптеген мемлекеттік қызметтерді алуға болады, ал цифрлық құжаттар бұрыннан физикалық түпнұсқаларға теңестірілген.

Енді қазақстандықтар үйден шықпай-ақтағы бір мемлекеттік қызмет алуға мүмкіндік алды. Мемлекеттік органдар екінші деңгейдегі қазақстандық банктермен бірлесіп әлеуметтік төлемдер туралы ақпарат алу жөніндегі жобаны іске асырды.

Бұрын алынған және белсенді төлемдердің мөлшері туралы анықтама қағаз тасығышта берілетін, ал оны алу үшін тұрғылықты жері бойынша «Азаматтарға арналған үкімет» КЕ АҚ бөлімшесіне жүгіну қажет болатын.

Жыл сайын осы анықтама үшін олардың кеңселеріне 230 мыңнан астам азамат келді, олар жәрдемақы, әлеуметтік төлемдер және атаулы әлеуметтік көмек алушылар болды. Ендіеш қайда барудың қажеті жоқ-бәрін онлайн формата жасауға болады. Ол үшін тек Банктің мобильді қосымшасына кіріп, «Мемлекеттік қызметтер»бөлімін тауып, онда әлеуметтік төлемдер туралы ақпарат бар анықтаманы таңдаукерек. Енді мұндай функция екі қосымшада жүзеге асырылады: Kaspi.kz және Halyk Homebank.

Анықтаманың сандық нұсқасында алынған және белсенді төлемдердің мөлшері туралы ақпарат бар. Пайдаланушы 2016 жылдан бастап кез-келген кезеңді таңдайалады, ал максималды кезең-3 жыл. Естеріңізге сала кетейік, бұған дейін де осындай тетік зейнетақы мен жәрдемақы туралы ақпарат алу үшін енгізілген болатын.