Қазақстан Республикасы Тәуелсіздігінің 30 жылдығына және № 10 қазақ мектеп гимназиясының жүлдесіне арналған 10 -11 класс қыздар арасындағы аудандық волейбол жарысы

2021 жылдың  11-12 желтоқсан аралығында аудандық  білім  бөлімінің қолдауымен, Абай  Таласұлы  бастаған №10 қазақ мектеп гимназиясының әкімішілігі, ұжымының ұйымдастыруымен Қазақстан  Республикасы  Тәуелсіздігінің 30 жылдығына және  № 10 қазақ  мектеп гимназиясының жүлдесіне арналған 10 -11 класс қыздар  арасындағы аудандық волейбол жарысы  өткізілді. Ашылу  салтанатында № 10 қазақ мектеп гимназиясының  оқушылары би билеп ән айтып, жас  волейболшы  қыздарға,қонақтарға көтеріңкі  көңіл-күй сыйлады.

  Жарыстың бас  төрешісі балалар-жасөспірімдер  спорт мектебінің аға  жаттықтырушысы Л.Нанковская команда  жетекшілерімен төрешілер  отырысын  өткізіп,командалар жеребе  қорытындысы  бойынша 4 топқа  бөлінді.  Жарысқа 19 команда  қатысып,  бақтарын  сынады.№ 1 орта  мектебінің, № 3 орта  мектебінің, Д.Бабатайұлы  атындағы  орта  мектебінің және алаң  иелері № 10 қазақ мектеп гимназиясының  спортзалдарында  өткен  жарыс қызықты  да,  шиеленісті  өтті. № 10 қазақ  мектеп гимназиясының демеушілік  көмегімен  өткізілген жарыста № 10 қазақ  мектеп гимназиясының,№ 1 орта  мектебінің,№ 7 орта  мектебінің,қалалық  қазақ  мектеп  лицейінің командалары ақтық  ойындарға  шықты.

   Өз-ара  кездесулердің қорытындысы  бойыншы алаң иелері № 10 қазақ  мектеп гимназиясының командасы  барлық  ойындарда  жеңіске  жетіп, І  орын  иеленді. ІІ  орынды № 1 орта  мектебінің командасы,ІІІ  орынды № 7 орта  мектебінің командасы  иеленді. Доптар  айырмашылығы бойынша қалалық  қазақ  мектеп  лицейінің командасы үштіктер  қатарына  іліне  алмай  қалды.

 Жарыстың «Ең үздік  ойыншысы» болып,№ 10 қазақ  мектеп гимназиясының ойыншысы А.Оракбаева, «Үздік шабуылшы» - № 1 орта  мектебінің командасының ойыншысы Л.Сакенова,«Үздік  қорғаушы»- № 7 орта  мектебінің командасының  ойыншысы М.Хомченкова , «Үздік доп  беруші»- қалалық  қазақ  мектеп  лицей командасының  ойыншысы А.Байназарова болып  танылды.

  Жеңіске жеткен командалар,үздік  ойыншылар аудандық білім  бөлімінің мақтау  қағаздарымен,№ 10 қазақ  мектеп гимназиясының кубоктарымен, медальдарымен,бағалы  сыйлықтарымен   марапатталды.