Аягөз ауданы әкімінің міндетін атқарушы Айбек Серікболұлы Майлин ауылының тұрғындарымен арнайы кездесу өткізді.
Кездесуге ауыл жастары мен ақсақалдары сондай-ақ, қоғам белсенділері қатысты.
Жиын барысында Майлин ауылдық округінің әкімі ауыл аумағында атқарылып жатқан жұмыстар, әлеуметтік-экономикалық даму көрсеткіштері және алдағы кезеңге жоспарланған іс-шаралар жөнінде баяндама жасады.
Сонымен қатар, тұрғындар тарапынан бірқатар өзекті мәселелер көтерілді.
Атап айтқанда:
• Ауылға кіреберіс ұзындығы 12 шақырымды құрайтын жолды жөндеу,
• ауылға спортзал салу сынды мәселелер қозғалды.
Жиын соңында, аудан әкімінің міндетін атқарушы Айбек Серікболұлы, көтерілген ұсыныстар мен өтініштерді назарға алып, олардың шешу жолдары кезең-кезеңімен жүзеге асырылатынын атап өтті.