Аягөз қаласы азаматтарының жекелеген санаттарына қалаішілік қоғамдық көлікте (таксиден басқа) жүру үшін жеңілдікті жол жүру туралы

Аягөз қаласы азаматтарының жекелеген санаттарына қалаішілік қоғамдық көлікте (таксиден басқа) жүру үшін жеңілдікті жол жүру туралы

 «Қазақстан Республикасындағы көлік туралы» Қазақстан Республикасының Заңының 13-бабына және Қазақстан Республикасының «Қазақстан Республикасындағы жергілікті мемлекеттік  басқару және өзін-өзі басқару туралы» Заңының 6-бабы 1-тармағының 15 тармақшасына, 31-бабы 2 тармағына сәйкес Аягөз ауданының әкімдігі ҚАУЛЫ ЕТЕДІ және Аягөз ауданының мәслихаты ШЕШТІ:

 

1. Тегін жол жүру құқығын растайтын құжаты (электрондық жол жүру құжаты) болған кезде, қалалық қоғамдық көлікте (таксиден басқа) тегін жол жүру түрінде жеңілдік Аягөз қаласы азаматтарының келесі жекелеген санаттарына белгіленсін:

1) Ұлы Отан соғысына қатысушылар мен мүгедек адамдарға-тегін жол жүру;

2) сүйемелдеуімен бірге І топтағы көру қабілеті нашар адамдарға-тегін жол жүру;

3) ІІ топтағы көру қабілеті нашар адамдарға-тегін жол жүру;

4) 70 жастан асқан зейнеткерлерге-тегін жол жүру;

5) ең төменгі зейнетақы алатын зейнеткерлерге-тегін жол жүру;

6) ілесіп жүретін І топтағы мүгедек адамдарға-тегін жол жүру;

7) ІІ топтағы мүгедектігі бар адамдарға- тегін жол жүру;

8) мемлекеттік атаулы әлеуметтік көмек алуға құқығы бар отбасылардан шыққан балаларға-тегін жол жүру;

9) жан басына шаққандағы орташа табысы ең төменгі күнкөріс деңгейінен төмен мемлекеттік атаулы әлеуметтік көмек алмайтын отбасылардан шыққан балаларға - тегін жол жүру;

10) жетім балаларға, отбасында тұратын ата-анасының қамқорлығынсыз қалған балаларға-тегін жол жүру;

11) көп балалы отбасылардан шыққан балаларға-тегін жол жүру;

12) Қазақстан Республикасының тасымалдаушылары жүзеге асыратын халықаралық тасымалдарға 5 жастан 12 жасқа дейінгі балаларға жол жүру құжатының (билетінің)толық құнының елу пайызын төлей отырып, жол жүру құжаттарын (билеттерін) сатып алуға;

13) 7 жастан 18 жасқа дейінгі балаларға жол жүру құжатының (билетінің) толық құнының елу пайызын төлей отырып, жол жүру құжаттарын (билеттерін) сатып алуға;

14) «Алтын алқа», «Күміс алқа» алқаларымен марапатталған көп балалы аналарға-тегін жол жүру;

15) Сүйемелдеуімен мүгедек балаларға-тегін жол жүру.

16) Қазақстан Республикасының заңнамасында белгіленген тәртіппен тасымалдау сапасы деңгейінің оның сертификатына сәйкестігіне дау айтуға құқылы.

2. Қаржыландыру көзі ретінде жергілікті бюджет белгіленсін.
3. «Абай облысы Аягөз ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» мемлекеттік мекемесі осы санаттағы азаматтарды тасымалдауға байланысты тасымалдаушылардың шығындарын өтеуді көздесін.
4. «Абай облысы Аягөз ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» мемлекеттік мекемесі Қазақстан Республикасының заңнамасында белгіленген тәртіппен осы бірлескен қаулыдан және шешімнен туындайтын қажетті шараларды қабылдасын.

5.Осы қаулының орындалуына бақылау жасау аудан әкімінің орынбасары О.Бекбаевқа жүктелсін.

6. Осы бірлескен қаулы және шешім алғашқы ресми жарияланған күннен кейін күнтізбелік он күн өткен соң қолданысқа енгізіледі.

 

Лауазымы

Аты-жөні

 

Сессия төрағасы,

Аягөз аудандық

мәслихатының төрағасы                                                      А.Ибрайшин

Дата публикации

04 июля 2024