Бүгін Қарауыл ауылында Закария Белібаев атындағы «Жеңіс алаңы» және «Уақыт символы» аллеясының ашылу салтанаты өтті

Бүгін Абай ауданының орталығы Қарауыл ауылында Закария Белібаев атындағы «Жеңіс алаңы» және «Уақыт символы» аллеясының ашылу салтанаты өтті. Елімізде орын алған пандемияға байланысты Ұлы Жеңістің 75 жылдығы 9 мамырға жоспарланған мерекелік шара кейінге қалдырылған болатын. Бүгін Елорда Нұр-Сұлтан қаласы күні қарсаңында ашылу салатанатын өткізудің сәті түсті.
«Жеңіс алаңының » тарихына үңілсек ең алғаш Ұлы Жеңістің 30 жылдығына арнап салынған парктің құрылысы осыған дейін бірнеше рет жөндеуден өткен. «Ешкім де, ешнәрсе де ұмытылмайды » тақтасында 558 боздақтың аты жазылған еді, жөндеуден өткен соң қан майданда Отан үшін ерлік көрсеткен 1528 ардагердің есімі жазылды. Саябақ ішіне Абай ауданынан шыққан 4 батырымызға ескерткіш-бюст қойылды. Ашылу салтанатының лентасын «Қарты бар үйдің қазынасы бар » дегендей, Тыл ардагерлері, ардақты аналарымыз қиды.
Мерекелік шара «Уақыт символы» аллеясының ашылу салтанатымен жалғасын тапты. Аллея ауданымыздың көрікті жерлері бейнеленген «Абай елі - руханият меккесі» мен «Ғасыр тұлғалары» тақталарымен әдемі үйлесім тапқан.

Салтанатты жиын Нұр-Сұлтан қаласының туған күніне орай «Қаламқас» халық ән-би ансамблінің шағын концертімен жалғасты.