Аудан әкімі жанындағы аппараттық кеңес өткізілді.

Құрметті жерлестер!
Бүгін аудан әкімі Нұржан Оразбекұлы жұмыс кестесіне сәйкес аппараттық кеңес өткізді. Оған аппарат қызметкерлері, ауылдық округ әкімдері, дербес бөлім және мекеме басшылары қатысты.
Күн тәртібінде:
1. Аудан бойынша ауыл шаруашылығы жануарларына жүргізілген диагностикалық зерттеулер қорытындысы, сырттан әкелінгені және шығысталғаны туралы;
2. Малдың жайлауға шығуы, бойдақ малдардың бағылуы, қараусыз жүрген малдарды қамайтын орындар бойынша төрт жақты меморандумға отыру және шөп шабу маусымына дайындық барысы туралы;
3. «Риза» КМК абоненттерден қанша қаржы түсіру керек және қанша түскендігі туралы;
4. Архат, Кеңгірбай би, Қасқабұлақ және Көкбай ауылдық округтерінде 19 түрлі әлеуметтік маңызы бар азық-түлік тауарларының бағасына мониторинг жүргізу туралы;
5. Ауданның әлеуметтік-экономикалық дамуының І жарты жылдық бойынша қорытындылары және ІІ жарты жылдыққа арналған міндеттер туралы баяндамалар тыңдалды.
Жоғарыда аталған жұмыстарға байланысты тапсырмаларды сапалы түрде жүзеге асыруды жауапты басшылар мен ауыл әкімдеріне жүктеді.