Шәкір Әбеновтің 120 жылдық мерейтойына арналған «Шыңғыстаудың бір шыңы» көрмесі

2021 жылғы 14 мамыр күні Қазақстан Республикасының Ұлттық музейінде Шәкір Әбеновтің 120 жылдық мерейтойына арналған «Шыңғыстаудың бір шыңы» көрмесі аясында дөңгелек үстелі және Тұрдықұл Қасенұлының «Шәкір Әбенұлы шығармалары (Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық - музейі қолжазбалары негізінде)» атты кітабының салтанатты тұсаукесер рәсімі өтті. Іс-шараның мақсаты - Ұлылар ұлағатын ұлықтау және қоғам қайраткері, халық ақыны, фольклоршы, сазгер Шәкір Әбеновтың өнегелі өмір жолын насихаттау. Дөңгелек үстел барысында қоғам қайраткерлері Ш.Әбеновтың мол мұрасы, еңбектерінің зерттелуі хақында ой өрбітті.