Қазақстан Республикасының сыбайлас жемқорлыққа қарсы іс-қимыл Агенттігінің жанынан құрылған республикалық ақпараттық-үгіт насихат штабы Абай ауданына арнайы іс-сапармен келді

Бүгін Қазақстан Республикасының сыбайлас жемқорлыққа қарсы іс-қимыл Агенттігінің жанынан құрылған республикалық ақпараттық-үгіт насихат штабы Абай ауданына арнайы іс-сапармен келді.

Информационно-разъяснительный штаб созданный при Агентстве РК по противодействию коррупции прибыл в Абайский район с рабочим визитом.

Ақпараттық үгіт-насихат штабының негізгі мақсаты халық пен мемлекет арасында диалогтық көпір құру, сондай-ақ өскелең ұрпақтың, халық және мемлекеттік органдар арасында парасаттылық мәдениетін қалыптастыру бойынша кең түсіндірме жұмыстарын жүргізу болып табылады.
Штаб мүшелерінің келуіне байланысты аудан әкімдігінің ғимаратында аудан активінің отырысы өткізілді. Оған әкімдік өкілдері мен штаб мүшелері қатысты. Республикалық штаб құрамында ҚР Сыбайлас жемқорлыққа қарсы іс-қимыл Агенттігінің Төрағасының кеңесшісі, республикалық ақпараттық-ағартушылық штабының төрайымы, этнодизайнер, Президенттің "Алтын сапа" сыйлығының иегері, "Құрмет" орденінің кавалері, қоғам қайраткері - Ырза Тұрсынзада, ҚР Сыбайлас жемқорлыққа қарсы іс-қимыл Агенттігінің өкілі - Арман Бердалин, сонымен қатар, ҚР Сыбайлас жемқорлыққа қарсы іс-қимыл Агенттігінің ШҚО бойынша департаментінің басшысының бірінші орынбасары - Жігер Байдильдин, ҚР Сыбайлас жемқорлыққа қарсы іс-қимыл Агенттігінің ШҚО бойынша департаментінің превенция және парасаттылық басқармасының басшысы - Набиев Ренат Байсарыұлы, ШҚО ақпараттық-ағартушылық штабының жетекшісі - Есімбекова Арайлым Керімбекқызы, сондай-ақ қазақ күресінен 4 дүркін әлем чемпионы, «Әлем барысы» халықаралық турнирінің 3 дүркін жеңімпазы, 2 дүркін «Әлем кубогінің» иегері, «Еуразия барысы» халықаралық турнирінің жеңімпазы, «Қазақстан барысы» турнирінің 2 дүркін жеңімпазы - Айбек Нұғымаров, ақын, филология ғылымдарының магистрі, Қазақстан Жазушылар одағы Семей өңірі филиалының төрағасы, мемлекеттік «Дарын» жастар сыйлығының лауреаты - Мерей Қарт, Семей қаласының электротехникалық колледжінің директоры - Азат Сарпеков, Семей қаласының Жастар ресурстық орталығының директоры - Олжас Соғымбай қатысты.
Аудандық ардагерлер кеңесінің төрағасы Серік Мұқажан және аудандық Жастар ресурстық орталығының директоры Сырым Жұмағали ауданда сыбайлас жемқорлыққа қарсы атқарылған іс-шаралар жөнінде баяндады. Штаб мүшелері түсіндірме жүргізіп, қатысушылар тарапынан ұсыныс-пікірлер айтылды.

https://www.instagram.com/p/CFhfFmvAB3K/