Құрметті жерлестер!
Жерде бір бала қуанса, көкте мың періште шаттанады!
Аудандық жастар ресурстық орталығында «Тәтті күлкі» акциясы ұйымдастырылды.
Акция аясында денсаулықтарында ерекшелігі бар балалар мен ересектерге тәттілерден дастархан жайылып, би кеші өтті.
Абай аудандық дене шынықтыру және спорт бөлімі мен Абай аудандық жұмыспен қамту және әлеуметтік бағдарламалар бөлімінің «Әлеуметтік қызметтер көрсету бөлімшесінің» ұйымдастыруымен «Жүйріктен жүйрік озар жарысқанда» атты спорттық сайыс өткізіп, марапаттар тапсырды.
Акцияға соңында тәттілерден сый-сияпаттар тапсырылып, қатысушы жандар көңіл-күйлері көтеріліп, мерекелік кеш сыйлаған үшін ризашылықтарын білдіріп, алғыстарын айтты.
Сонымен қатар, Қарауыл гимназиясының жанындағы интернатқа да тәттілер мен сусындар беріліп, балалар да қуанып қалды.