Ауыл шаруашылығы өнімдерінің жәрменкесі өтті.
Азық-түлік бағасын тұрақтандыру мақсатында Қарауыл ауылында ұйымдастырылған жәрменкеде аудан тұрғындары мен қонақтары өнімдерді тікелей тауар өндірушілердің өзінен сатып алды.
Шаруа қожалық иелері жәрмеңкеге ет пен сүт өнімдерін, сондай-ақ көкөніс өнімдерін ұсынды. Бұл игі іс аудан әкімі Нұржан Оразбекұлының бастамасымен жүзеге асырылуда.
Жәрмеңкеде қой етінің келісі – 2000 теңгеден болса, қымыздың литрі – 800 теңгеден сатылды. Әлеуметтік жәрмеңкеде картоп, сәбіз, сарымсақтың бір келісінің құны 90 теңге болды. Сатылымға картоптың 2 тоннасы, сәбіздің 1,5 тоннасы, сарымсақтың 1 тоннасы жеткізілді.
Жәрменкеде сонымен қатар, 18 тонна кебек әкелініп, 1 қап кебек - 1500 теңгеде сатылды! Әрбір адамға бес қаптан артық босатылмауы арқылы, халықтың барынша қамтылуы да қарастырылды!
Бұдан басқа, жәрмеңке қонақтарына кондитерлік өнімдер мен балық өнімдері сатылымға ұсынылды.
Жәрменкеде ұсынылған өнімдер бағасының нарықтағы бағадан әлдеқайда төмен екендігін байқаймыз. Мұндай жәрменкелер алдағы уақытта да жалғасын таппақ.
Осы орайда, барлығын қадағалап, бақылап, басығасында жүрген ауылдық округ әкімдеріне және ауа-райының қолайсыздығына қарамастан, қап-қап кебек тиесіп жүиген ауданымыздың еріктілеріне ризашылығымызды білдіреміз!
@shko_abay_audanynyn_akimdigi
@abaizhastary2022
@abai_adaldyqalany
@shygys_adaldyq_alany