Полиция қызметкерлерінің видеожетондарды пайдалануына мониторинг жүргізілді.
«Абай – Адалдық алаңы» жобалық кеңсе жетекшісі Бақыт Серікханқызы қоғамдық тәртіпті қамтамасыз ету кезіндегі сыбайлас жемқорлық тәуекелдерін анықтау және жою, олардың ашықтығын қамтамасыз ету және қоғамдық бақылау жүргізу мақсатында және бейнежетондардың пайдаланылуына монитоиинг жүргізу мақсатында Абай ауданының полиция бөліміне барды.
Мониторинг барысында Абай ауданының полиция бөлімінің қызметкерлерінің бейнежетондар мен өзге де техникалық жабдықтары жеткілікті мөлшерде екендігі анықталды. Бейнежетондардың учаскелік инспекторлар, тергеушілер күнделікті пайдаланады.
Қуат күші 8-9 сағатқа жететін бейнежетондар -55 градуста да жұмыс жасап, кеудеге тағу арқылы пайдаланылады. Бейнефиксация бірінші кезекте полиция тарапынан да, жол қозғалысына қатысушылар тарапынан да сыбайлас жемқорлыққа қарсы іс-қимыл мақсатында жүргізіледі. Мұндай құрылғыларды пайдалану құқық қорғау органдары қызметінің ашықтығын, біліктілігі мен жұмыс сапасын қамтамасыз етеді.
Бейнежетондар арқылы жазылған таспалар әдетте дәлел ретінде пайдаланылып, кейіннен мұрағатта сақталады!