«Абай адалдық алаңы» кеңсесінің жетекшісі Бақыт Серікханқызының ұйымдастыруымен дөңгелек үстел өтті.
Дөңгелек үстел басында парасаттылық идеологиясын ілгерілету және кез келген сыбайлас жемқорлық әрекеттеріне төзбеушілікті қалыптастыру жайында маңызды әңгіме өрбіді. Қатысушылар адалдық, парасатттылық қағидаттарын қалыптастыруға, ұлттық мәдениет пен руханият құндылықтарын ілгерілету үшін нендей жұмыстар атқарылуы тиіс екендігін қызу талқыға салды!
«Абай - Адалдық алаңы» жобалық кеңсе жетекшісі Бақыт Серікханқызы сыбайлас жемқорлық мемлекетіміздің өркендеуіне кеселін тигізетін үлкен індет және ел болашағына алаңдайтын адам, жемқорлыққа жол бермейді! Яғни, сыбайлас жемқорлықпен күресте, ең алдымен адамның бойында өз еліне, жеріне деген патриоттық сезім болуы қажет! Ал Отанға деген махаббат Кіші Отаннан басталмақ! Сол себепті, ауданымыздағы көкейтесті мәселелерін қарастыруға шақырды!
Шараға қатысушылар сөз соңында сыбайлас жемқорлыққа қарсы күресу – бүкіл қазақстандық қоғамның маңызды міндеті екендігін айтып, алдағы уақытта елдің еңсесін түсіріп, дамуына кері әсерін тигізетін кеселді дертпен бірлесіп күресіп, жас ұрпақты адалдыққа, парасыттылыққа тәрбиелейтін қоғам болып жұмыс жасау керектігі жөнінде айтты
Бұл жұмыстар болашақта да кеңсе бақылауында болып, жасалған жұмыстар жөнінде хабардар етіп отыратын боламыз!
Ал біз Сіздерге, біздің назарымыздан шығып кетіп, Сіз сыбайлас жемқорлық фактілеріне тап болған жағдайда ҚР сыбайлас жемқорлыққа қарсы іс-қимыл агенттігінің сенім телефоны 1424 номеріне хабарласа алатындықтарыңызды ескертеміз! Сенім телефоны күнделікті үзіліссіз және демалыссыз жұмыс жасайды