Саржал ауылдық округінде дәрігерлік амбулаторияның салтантты ашылуы рәсімі өтті.
«Ауылдық денсаулық сақтауды жаңғырту» Ұлттық пилоттық жобасы аясында салынған дәрігерлік амбулаторияның салтанатты ашылуында аудан әкімі Мейіржан Серікбосынұлы құттықтау сөз сөйледі.
Мекеме барлық қажетті құрал-жабдықтармен қамтамасыз етілген. Мұнда 13 арнайы кабинет жұмыс істейді: тіркеу бөлімі, егу және екпе бөлмелері, акушерлік қабылдау кабинеті, күндізгі стационар, оңалту және физиотерапиялық емдеу бөлмелері, дәріхана, дәрігер қабылдау кабинеттері және т.б.
Сондай-ақ, 9 адам тұрақты жұмыспен қамтылды, олар 3 медбике, 1 акушер, 1 бас дәрігер, 4 техникалық қызметкер.
Шара барысында ауыл тұрғындары өздерінің алғыс сөздерін айтып, ауыл ақсақалы Ыбырай Серікбай бата берді.