ХАБАРЛАМА
2023 жылғы 12 ақпанда Абай ауданының Тоқтамыс ауылдық округі әкімінің сайлауы өтті.
Абай аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 14-бабының 9) тармақшасына, 44-бабының 2-тармағына, 45-бабына,113-10-бабына сәйкес, Абай ауданының Тоқтамыс ауылдық округі әкімін сайлау нәтижелері туралы учаскелік сайлау комиссиясының хаттамасы негізінде сайлау қорытындыларын белгіледі:
Тоқтамыс сайлау округі бойынша
Тоқтамыс ауылдық округі әкімінің сайлауы
Тоқтамыс сайлау округі бойынша сайлаушылар тізіміне 382 сайлаушылар енгізілді, оның ішінде 366 дауыс берді.
Тоқтамыс ауылдық округінің әкімі болып Дәулет Мубаракұлы Мухтаров сайланды, 1972 жылы туған, «Дулат» шаруа қожалығының жетекшісі, Абай облысы, Абай ауданы, Тоқтамыс ауылының тұрғыны, «AMANAT» партиясынан ұсынылған.
Абай аудандық аумақтық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 45-бабына сәйкес, 2023 жылғы 13 ақпандағы шешімімен Абай ауданы Тоқтамыс ауылдық округі әкімі болып сайланған – Дәулет Мубаракұлы Мухтаровты тіркеді.
Абай аудандық аумақтық сайлау комиссиясы