Абай ауданының әкімдігінің 2019 жылғы 29 тамыздағы №129 «Абай ауданы бойынша үгіттік баспа материалдарын орналастыру үшін орындар белгілеу туралы» қаулысына өзгерістер енгізу туралы
Қазақстан Республикасының 1995 жылғы 28 қыркүйектегі «Қазақстан Республикасындағы сайлау туралы» Конституциялық Заңының 28 бабының 6 тармағына сәйкес және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 37 бабының 8 тармағына сәйкес, Абай ауданының әкімдігі ҚАУЛЫ ЕТЕДІ:
- Осы қаулының қосымшасына сәйкес Абай ауданы бойынша үгіттік баспа материалдарын орналастыру үшін орындар белгіленсін.
- «Абай облысы Абай ауданы әкімінің аппараты» мемлекеттік мекемесі Қазақстан Республикасының заңнамасымен белгіленген тәртіпте:
- Осы қаулыны Абай облысы Әділет департаментінде мемлекеттік тіркеуді;
- Мемлекеттік тіркеуден өткеннен кейін күнтізбелік он күн ішінде осы қаулының көшірмесін ресми жариялауға Абай ауданы аумағында таратылатын мерзімді баспа басылымдарына жіберуді;
- Осы қаулы ресми түрде жарияланған соң Абай ауданы әкімдігінің интернет-ресурсына орналастыруын қамтамасыз етсін
- «Абай ауданы бойынша үгіттік баспа материалдарын орналастыру үшін орындар белгілеу туралы» Абай ауданы әкімдігінің 2016 жылғы 29 ақпандағы №33 (Нормативтік құқықтық актілерді мемлекеттік тіркеу Тізілімінде №4416 болып тіркелген,Қазақстан Республикасы нормативтік құқықтық актілерінің электрондық түрдегі эталондық бақылау банкінде 2016 жылғы 3 наурызында жарияланған) қаулысының күші жойылды деп танылсын.
- Осы қаулының орындалуына бақылау жасау Абай ауданы әкімінің аппарат басшысы Д.Маратұлына жүктелсін.
- Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізілсін.
Аудан әкімі Н.Абдыкаримов
Келісілді:
Аумақтық сайлау комиссиясының
төрағасы Т.Ерденбеков ________
«___» ___________ 20__ ж