Қазақстан Республикасында төтенше жағдайдың енгізілуіне байланысты, азаматтардың денсаулығын қорғау мақсатында, азаматтық хал актілерін тіркеу саласында жекелеген мемлекеттік қызметтерді «электрондық үкімет» веб-порталы (www.egov.kz) арқылы алу мүмкіндігі бар екендігіне азаматтардың назарын аударамыз (туу мен қайтыс болуды тіркеу, қайталама куәліктер беру).
Сонымен қатар, ҚР Әділет министрінің 2020 жылғы 19 наурыздағы № 103 бұйрығымен Азаматтық хал актілерін мемлекеттік тіркеуді ұйымдастыру, азаматтық хал актілерінің жазбаларына өзгерістер енгізу, қалпына келтіру, күшін жою тәртібі қағидаларына толықтыру енгізілді.
Толықтыруға сәйкес, «Неке (ерлі-зайыптылықты) қию, ерлі-зайыптылардың бірлескен өтініші негізінде неке (ерлі-зайыптылықты) бұзу туралы алғашқы рет берілетін куәлік, баланың ата-анасының бірлескен өтініші негізінде әкелік (аналық) анықталғаннан кейін берілетін алғашқы немесе қайталама туу туралы куәлікті қоспағанда, куәліктер мемлекеттік қызметті алушының өтінішінде көрсетілген тұрғылықты жеріне пошта байланысы арқылы жолданады».