Абай ауданының жергілікті атқарушы органдарының мемлекеттік қызмет көрсету мәселелері бойынша 2019 жылғы есебі

 «Мемлекеттік көрсетілетін қызметтер тізілімін бекіту туралы» Қазақстан Республикасы Үкіметінің 2013 жылғы 18 қыркүйектегі № 983 қаулысына сәйкес, жергілікті атқарушы органдармен (ЖАО) жеке және заңды тұлғаларға ауданда мемлекеттік қызметтің 101 түрі көрсетіледі.

«Азаматтарға арналған үкімет» мемлекеттік корпорациясы мемлекеттік қызметтің 43 түрі көрсетіледі.

2019 жылы Абай ауданының жергілікті атқарушы органдары 82812 мемлекеттік қызмет көрсеткен, оның ішінде:

• қағаз түрінде – 1209 (баламасыз), 1,46 % құрайды;
• «Электрондық үкімет» веб-порталы және (немесе) Мемлекеттік корпорация арқылы көрсетілуі мүмкін құжаттар 266 (баламалы), 0,32 % құрайды;
• «Азаматтарға арналған үкімет» ХҚКО мемлекеттік корпорациясы арқылы – 2905 мемлекеттік қызметтер, 3,6 % құрайды;
• Электронды түрде – 78432 мемлекеттік қызметтер көрсетілді, соның ішінде Электронды үкімет порталы арқылы – 43759 (ол 55,79 % құрайды),     Е-лицензиялау – 230 (ол 0,29 % құрайды), ақпараттық жүйелер арқылы – 34443 (ол 43,92 % құрайды), мемлекеттік қызмет көрсетілді. Мемлекеттік қызметтердің жалпы көлемінен, электронды түрде алынған мемлекеттік қызметтер үлесі 2019 жылы  электронды үкімет порталы арқылы алынған мемлекеттік қызметтер – 53,1 %-ды құраса, жалпы электронды түрде көрсетілген мемлекеттік қызметтер – 94,71 %-ды құрайды.

          Аудан тұрғындарына аса сұранысқа ие мемлекеттік қызметтер мыналар:

          Ауылшаруашылық және ветеринария саласы:

• ауыл шаруашылығы жануарларын ветеринариялық паспорт бере отырып бірдейлендіруді жүргізу – 22699;
• ветеринариялық анықтамалар беру – 9377;

Жұмыспен қамту және әлеуметтік бағдарламалар саласы:

• Өтініш берушінің (отбасының) атаулы әлеуметтік көмек алушыларға жататындығын растайтын анықтама беру – 38854;

Қазақстан Республикасының «Мемлекеттік қызметтер туралы» Заңының 11-бабының 12-тармағына, Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 8 желтоқсандағы № 78 бұйрығымен бекітілген «Мемлекеттік қызмет көрсету сапасын мемлекеттік бақылау  қағидасының 38 тармағына сәйкес, және аудан әкімінің аппарат басшысының  2018 жылғы 14 желтоқсандағы «2019 жылға арналған «Мемлекеттік қызметтер көрсету сапасына ішкі бақылау жүргізудің іс-шара жоспарын бекіту туралы» № 204 бұйрығымен  мемлекеттік қызметтер көрсету сапасына ішкі бақылаудың 2019 жылға арналған іс-шаралар жоспары бекітілді. Жоспарға сәйкес, 2019 жылы 12 мекемеге тексеру жүргізілді. Мемлекеттік қызметтерді көрсету мерзімін бұзу фактілері анықталған жоқ.

2019 жылы мемлекеттік қызмет көрсетуден 23 бас тарту тіркелді, барлығы негізделген.

Жергілікті «Абай елі» газетіне мемлекеттік қызметтер бойынша халықты ақпараттандыру мақсатында 17 мақала жарияланды.

Мемлекеттік қызметтер көрсету сапасын жақсарту мақсатында ақпараттандыру бойынша іс-шаралардың саны – 39;

Мемлекеттік қызметтерді көрсету бойынша біліктілікті арттыру курстарынан өткен адамдар саны – 39;

Мемлекеттік қызмет көрсету сапасына шағымдар түскен жоқ.

Электронды мемлекеттік қызметтердің санын арттыру мақсатында 6 ауылдық округ әкімі аппаратында, 1 - Сәулет, құрылыс, тұрғын үй-коммуналдық шаруашылығы, жолаушы көлігі және автомобиль жолдары бөлімінде, 1 - «Халықты жұмыспен қамту» орталығында өзіне өзі қызмет көрсету бұрыштары және аудан әкімі аппаратында «Шығыс Адалдық алаңы» жобасы аясында өзіне-өзі қызмет көрсету бұрышы ашылып, халыққа қызмет көрсетуде. 2019 жылы өзіне-өзі қызмет көрсету бұрышы арқылы - 43008 мемлекеттік қызметтер көрсетілді.

2019 жылы мемлекеттік қызмет көрсету сапасын арттыру және қызмет алушыларға көрсетілетін қызмет тәртібін түсіндіру бойынша жергілікті атқарушы органдармен семинар кеңестер, дөңгелек үстелдер, өткізілді. 

Электрондық мемлекеттік қызметтерді кеңінен насихаттау мақсатында аудандық газетке, әлеуметтік желілерде және аудан әкімінің ресми сайтында мемлекеттік қызметтер туралы мақалалар жарияланып тұрады.

Дата публикации

14 февраля 2020