ШҚО ТЖД Абай ауданының Төтенше жағдайлар бөлімі қызметкерлері суға түсу маусымындағы қауіпсіздікті сақтауға шақырады!

Міне көптен күткен жазғы шомылу кезеңі де басталды. Оқу жылы аяқталып жаз басталысымен, суға түсуді сағынған балалар табиғатта демалып суға түсуді бастады.

2021 жылыдың суға түсу маусымы басталғаннан бері су айдындарында суға кетіп қайтыс болған адамдар саны қөбеюде, оның ішінде балалар да бар.

Өкінішке орай осының бәріне ең басты себеп болып табылатын - ол адам факторы. Ол біріншіден судағы қауіпсіздіктің сақталмауы және өзі мен жақындарына жауапсыз көз қарас.

Осыған байланысты, Қазақстан Республикасының Ішкі істер министрлігімен, 2015 жылдың 19 қантарында № 34 «Су айдындарындағы қауіпсіздік қағидалары» бұйрығы бекітілген. Осы су айдындарындағы қауіпсіздік қағидалары Қазақстан Республикасының су айдындарын пайдалану кезінде азаматтардың қауіпсіздігін қамтамасыз ету тәртібін айқындайды.

Айта кетсек, осы қағидада балалардың судағы қауіпсіздігін қамтамасыз ету тәртібі бекітілген:

1. Балалардың су айдындарындағы демалу орындарындағы қауіпсіздігін қамтамасыз ету үшін шомылуға және балаларды жүзуге үйретуге жабдықталған балаларға арналған жағажай құрылады.
2. Балалардың су айдындарының маңында болуына ересектермен бірге болған кезде рұқсат етіледі.
3. Балалардың шомылуына арналған жерлер жағалау бойындағы акватория шегі көрсетілген жасыл рамкада суда тұрған екі баланың бейнесі бар белгілермен белгіленеді.
4. Балалардың шомылуына арналған учаскелер бір-бірінен 3 метрден аспайтын арақашықтықта түбіне қағылып, сақиналармен бекітілген қалтқылар желісімен белгіленеді.
5.      Шомылып жүрген балаларға кезекші нұсқаушылар (жаттықтырушылар) және медициналық қызметкерлер үзіліссіз бақылау жүргізеді.
6. Балалар шомылған кезде жағажайдың бүкіл аумағында қайықпен және катерлермен жүзуге, ойындар мен спорттық іс-шараларды өткізуге жол берілмейді.
7. Суға шомылу маусымы кезеңінде аумақтық бөлімшелердің құтқарушылары балаларды жүзуге үйрету үшін қалалық жағажайларда қауіпсіз оқу орындарын жабдықтайды.
8.      Су объектілерінде орналасқан балалар мекемелері құтқару бекеттерімен жабдықталады және жарақталады.
9. Балаларды шағын көлемді кемелерде серуендету кезінде:

            1) кемені белгіленген нормадан артық жүктеуге;

            2) 7 жасқа дейінгі балалардың серуендеуіне;

            3) кемеден суға секіруге;

            4) жеке құтқару құралдарынсыз серуендеуге;

           5) шомылуға бөлінген акваторияға кіруге, сондай-ақ кеме жүретін ахуал белгілеріне жақындауға, оларға кемені арқандап байлауға және кеме жүретін жолда тоқтауға рұқсат етілмейді.

 

Құрметті ата-аналар! Судағы қауіпсіздікті сақтасақ, бәріміздің табиғаттағы демалысымыз жақсы және қауіпсіз өтеді.

Өзіміздің және жақындарымыздың өмірін сақтайық.

ШҚО ТЖД Абай ауданының ТЖБ бас маманы

азаматтық қорғау подполковнигі  Тұрғали Дәурен Қуанышберұлы

Дата публикации

28 мая 2021