Абай облысы Ақсуат ауданы Ойшілік ауылдық округ әкіміне кандидаттарды ұсыну туралы қорытынды ақпарат
"Қазақстан Республикасындағы сайлау туралы" Қазақстан Республикасы Конституциялық заңының 113-1-бабына сәйкес, Ақсуат ауданының аумақтық сайлау комиссиясы 2026 жылғы 8 сәуірдегі № 01-03/10 қаулысымен 2026 жылғы 17 мамырға Абай облысы, Ақсуат ауданы, Ойшілік ауылдық округі әкімінің сайлауын тағайындады.
2026 жылдың 9 сәуірінен бастап ауылдық округ әкімдігіне кандидаттар ұсыну басталды. Ұсыну құқығы саяси партияларға, азаматтар өзін-өзі ұсыну жолымен, сондай-ақ егер ұсыну мерзімі аяқталған күнге екеуден аз кандидат ұсынылған жағдайда, аудан әкіміне тиесілі.
2026 жылдың 21 сәуірдегі жағдай бойынша 3 кандидат өзін-өзі ұсынды.
Ауылдық округ әкіміне кандидаттарды ұсыну 2026 жылғы 21 сәуір сағат 18:00-де аяқталды.
Ақсуат ауданының аумақтық сайлау комиссиясы