Мемлекеттік қызметтің функционалын кеңейту қамқоршыларға балаларын және он сегіз жастан асқан әрекетке қабілетсіз адамдарды емханаларға тіркеуге мүмкіндік береді. Цифрлық мемлекеттік қызмет көрсетудің инклюзивті тәсілі әртүрлі санаттағы азаматтардың, оның ішінде мүмкіндігі шектеулі адамдардың әлеуметтік құқықтарын қорғауға оң әсер етеді.
Бұрын бала кезінен мүгедектігі бар баланың заңды өкілдері балаларын емханаға тікелей жүгінгенде ғана тіркей алатын. Процедура өтініш берушінің жеке қатысуын ғана емес, сонымен бірге қамқоршылықты немесе қорғаншылықты растайтын сот шешімін немесе басқа құжатты ұсынуды талап ететін.
Жаңартылған мемлекеттік қызмет көмегімен қамқоршылар, қорғаншылар, патронат тәрбиешілері және балаға немесе әрекетке қабілетсіз деп танылған адамға қамқорлық жасап, білім беру, тәрбиелеу және олардың құқықтары мен мүдделерін қорғауды жүзеге асыратын басқа да адамдар өздерінің қамқорлығындағы тұлғаларды емханаға өтініш бере алады.
Көрсетілетін қызметті алу үшін пайдаланушыға:
- eGov.kz порталында авторизациядан өтіп, «Денсаулық сақтау» бөлімінде «Емханаға тіркелу» қызметін таңдау қажет;
- өтініш берушінің санатын: «Балаға (18 жасқа дейін, оның ішінде қорғаншылық пен қамқоршылықтағы)» немесе «Заңды өкілге (әрекетке қабілетсіз немесе әрекет қабілеті шектеулі кәмелетке толғандарға)» таңдау керек;
- аймақ пен ауданды, емхананы, тіркеу себебін (көшу немесе еркін тіркеу), емдеуші дәрігерді таңдап, сонымен қатар көрсетілетін мекенжай мен байланыс телефон нөмірін толтыру қажет;
- қажетті жолдарды толтырып, ЭЦҚ/QRCode немесе sms-растау арқылы өтінімге қол қою керек.
Қызметтің нәтижесімен пайдаланушы өтінімді тікелей медициналық ұйымның қарауынан кейін Жеке кабинетінде таныса алады.
Қызметті тек тұрғылықты жері өзгерген жағдайда ғана емес, сонымен қатар жылына бір реттен жиі емес бір әкімшілік-аумақтық бірлік шеңберінде медициналық ұйымды ауыстырғыңыз келсе де пайдалануға болады.
Сонымен қатар, ағымдағы жылдың 1 қарашасына дейін өтетін тіркеу науқанының аясында медициналық ұйымды ауыстыруға болады. Тіркеу науқанының нәтижелері бойынша пациент келесі жылдың басынан бастап қызмет ала алады.
Енді сот әрекетке қабілетсіз деп таныған он сегіз жастан асқан адамдардың қамқоршылары eGov.kz порталында онлайн өтініш бере алады. Арнайы әлеуметтік көрсетілетін қызметтер қаражатын алу үшін жаңа мүмкіндіктерді пайдалануға болады. Мемлекеттік көрсетілетін қызметтер саласында «кедергісіз орта» құру азаматтардың әртүрлі санаттары үшін, оның ішінде мүмкіндіктері шектеулі адамдар үшін тең мүмкіндіктерді қамтамасыз етеді.
Бұрын сот әрекетке қабілетсіз деп таныған он сегіз жастан асқан адамдардың қамқоршылары қағаз түрінде құжаттар жинап, арнайы өтінімдерді ресімдеу үшін кезекте тұрған. Жаңартылған қызмет уақыт шығындарын едәуір азайта отырып, қажетті құжаттарды онлайн режимінде беруге мүмкіндік береді.
Енді қамқоршыларға мемлекеттік көрсетілетін қызметтердің келесі түрлерін алуға онлайн-өтінімдерді ресімдеу қолжетімді:
- мүгедектерді протездік-ортопедиялық көмекпен қамтамасыз ету;
- жүріп-тұруы қиын бірінші топтағы мүгедектер үшін жеке көмекшінің көрсетілетін қызметтерін пайдалану;
- мүгедектерді техникалық көмекші (компенсаторлық) құралдармен қамтамасыз ету;
- мүгедектерді арнайы жүріп-тұру құралдарымен қамтамасыз ету;
- мүгедектер мен мүгедек балаларды санаторий-курорттық емдеумен қамтамасыз ету;
- есту қабілеті нашар мүгедектерге ымдау тілі маманының қызметін пайдалану (жылына алпыс сағат);
- үйде күтім жасау жағдайында арнаулы әлеуметтік қызметтер алу;
-медициналық-әлеуметтік мекемелерде (ұйымдарда) арнаулы әлеуметтік көрсетілетін қызметтер алу.
Көрсетілетін қызметтерді алу үшін:
- eGov.kz порталында авторизациядан өту және «Әлеуметтік қамсыздандыру» бөліміне өту қажет;
- бұдан әрі «Мүгедектігі бар адамдарды қолдау» бөлімінде ұсынылған тізбеден қажетті көрсетілетін қызметті таңдау керек;
- ЭЦҚ көмегімен қызметке қол қою керек.
Көрсеткен уақыт ішінде келіп түсетін өтінімді өңдеу туралы хабарламмен Жеке кабинетте танысуға болады («Қызметтерді алу тарихы» бөлімінде).
Енді пайдаланушылар eGov.kz порталында онлайн режимінде өз жылжымайтын мүлік объектісінің мекенжайын бере немесе жоя алады. Осы қызмет бойынша бұрын анықтама берген Халыққа қызмет көрсету орталықтарына бармай-ақ процесті автоматтандыруға мүмкіндік берді.
Мекенжайды беру жылжымайтын мүлік объектісіне мемлекеттік деректер қорында кейін сәйкестендіру үшін қажет ресми мәртебе береді. Бұл ақпарат меншік иелеріне өз мүлкін заңды түрде басқаруға мүмкіндік береді. Мекенжай коммуналдық жүйелерге (электр, су, газ), интернетке, пошталық жеткізілімге және басқа да көптеген қызметтерге қосылу үшін қажет.
Ресми мекенжайдың болуы меншік иесіне құқықтық даулар туындаған жағдайда мүлік құқығын қорғауды қамтамасыз етеді, себебі жылжымайтын мүлік объектісі Мекенжай тіркеліміне енгізіледі. Сондай-ақ, мекенжайcыз жылжымайтын мүлікпен мәмілелер: сатып алу-сату, сыйға тарту, жалға беру және басқа да заңды операциялар жасау мүмкін емес.
Қызмет жеке және заңды тұлғалар үшін қолжетімді және ақысыз негізде ұсынылады.
Қызметті алу үшін:
Көрсетілетін қызметті алу нәтижесінде пайдаланушының жеке кабинетінде мекенжайды беру/жою туралы хабарлама-хат немесе дәлелді бас тарту көрсетіледі. Сұрау салу мәртебесі нәтижені алған күнін көрсете отырып, Жеке кабинетте де көрсетіледі.
Elicense.kz порталында заңды тұлғалар үшін сынықтарды, сондай-ақ түсті және қара металдардың қалдықтарын жинау, сақтау, қайта өңдеу және өткізу бойынша қызмет автоматтандырылды. Рұқсат алу Қазақстан Республикасының бүкіл аумағында кәсіпкерлердің қызметі үшін қолжетімді.
Рұқсат беру бойынша қызмет көрсету мерзімі 15 жұмыс күнін құрайды. Кәсіпкер лицензияны өзінің орналасқан жері бойынша жергілікті атқарушы органдардан рұқсат ала алады.
Рұқсатты алу үшін:
- elicense.kz порталында авторизация жасау және «Жер қойнауын пайдалану» бөліміне өту;
- «Заңды тұлғалардың түсті және қара металдардың сынықтары мен қалдықтарын жинау (дайындау), сақтау, қайта өңдеу және өткізу жөніндегі қызметті жүзеге асыруға рұқсат беру» көрсетілетін қызметтер тізбесінен таңдау;
- барлық қажетті өрістерді толтыру, файлдарды жүктеу және мемлекеттік бажды төлеуз;
- ЭЦҚ/QR көмегімен қызметке қол қою қажет.
Мемлекеттік органның оң шешімі болған кезде дайын лицензия пайдаланушының elicense.kz порталындағы «Жеке кабинетінде» «Рұқсаттар» модулінде көрсетіледі. Өтініш бойынша бас тартылған жағдайда «Менің өтінішім» модулінде дәлелді бас тарту сақталады.
Рұқсат беру үшін 10 АЕК мөлшерінде мемлекеттік баж төленеді. Төлем заңды тұлғаның тіркелген жері бойынша салық органының атына кез келген екінші деңгейдегі банкте жүзеге асырылады.
Жаңа қызмет ҚР Өнеркәсіп және құрылыс министрлігінің, Цифрлық даму, инновациялар және аэроғарыш өнеркәсібі министрлігі Мемлекеттік көрсетілетін қызметтер комитетінің және «Ұлттық ақпараттық технологиялар» АҚ бірлескен жұмысының арқасында іске қосылды.
Ипотекалық тұрғын үй қарыздары бойынша бастапқы жарнаның бір бөлігін жабу үшін тұрғын үй сертификаты тұрғын үйге мұқтаж және табыс деңгейі жеткіліксіз отбасыларға беріледі. Сертификат алуға арналған тиісті онлайн-қызмет eGov.kz порталында қолжетімді болды.
Сертификат ҚР Ұлттық Банкі бекіткен ипотекалық бағдарлама немесе мемлекеттік тұрғын үй құрылысы бағдарламасы бойынша тұрғын үй сатып алынған жағдайда беріледі. Тұрғын үй сертификаттарын алушылар санаттарының мөлшері мен тізбесін жергілікті атқарушы органдар айқындайды.
Тұрғын үй сертификаты келесі жағдайларда әлеуметтік көмек ретінде ұсынылады:
- өтініш берушіде және онымен тұрақты тұратын отбасы мүшелерінде (жұбайы мен кәмелетке толмаған балаларының) соңғы 6 айдағы орташа табысы еңбек және/немесе кәсіпкерлік қызметтен белгіленген шектен аспаса;
- орташа табыс зейнетақы аударымдарын, жеке табыс салығын және басқа да міндетті аударымдарды есепке алмайды;
- 23 жасқа дейінгі білім беру мекемелерінде күндізгі оқу нысаны бойынша оқитын балалар қарауға енгізіледі.
Тұрғын үй сертификатын онлайн алу үшін пайдаланушыға:
- eGov.kz порталына кіріп және «Жылжымайтын мүлік» - «Тұрғын үй қатынастары» бөліміне өту қажет;
- «Тұрғын үй сертификаттарын беру»тізімінен таңдап, қажетті жолдарды толтыру керек;
- ЭЦҚ көмегімен өтінімге қол қою қажет;
- қызмет нәтижесімен https://kezekte.kz сайтына Жеке кабинетте танысуға болады.
Ипотекалық тұрғын үй қарыздары бойынша бастапқы жарнаның бір бөлігін жабу үшін тұрғын үй сертификаты тұрғын үйге мұқтаж және табыс деңгейі жеткіліксіз отбасыларға беріледі. Сертификат алуға арналған тиісті онлайн-қызмет eGov.kz порталында қолжетімді болды.
Сертификат ҚР Ұлттық Банкі бекіткен ипотекалық бағдарлама немесе мемлекеттік тұрғын үй құрылысы бағдарламасы бойынша тұрғын үй сатып алынған жағдайда беріледі. Тұрғын үй сертификаттарын алушылар санаттарының мөлшері мен тізбесін жергілікті атқарушы органдар айқындайды.
Тұрғын үй сертификаты келесі жағдайларда әлеуметтік көмек ретінде ұсынылады:
- өтініш берушіде және онымен тұрақты тұратын отбасы мүшелерінде (жұбайы мен кәмелетке толмаған балаларының) соңғы 6 айдағы орташа табысы еңбек және/немесе кәсіпкерлік қызметтен белгіленген шектен аспаса;
- орташа табыс зейнетақы аударымдарын, жеке табыс салығын және басқа да міндетті аударымдарды есепке алмайды;
- 23 жасқа дейінгі білім беру мекемелерінде күндізгі оқу нысаны бойынша оқитын балалар қарауға енгізіледі.
Тұрғын үй сертификатын онлайн алу үшін пайдаланушыға:
- eGov.kz порталына кіріп және «Жылжымайтын мүлік» - «Тұрғын үй қатынастары» бөліміне өту қажет;
- «Тұрғын үй сертификаттарын беру»тізімінен таңдап, қажетті жолдарды толтыру керек;
- ЭЦҚ көмегімен өтінімге қол қою қажет;
- қызмет нәтижесімен https://kezekte.kz сайтына Жеке кабинетте танысуға болады.
Енді қазақстандықтар eGov Mobile қосымшасы арқылы әскери қызмет туралы деректерді ала алады және жібере алады. Бұл «Цифрлық мәліметтер» сервисінің жаңартылуы арқасында мүмкін болды.
Енді пайдаланушылар өздерінің әскери қызметке шақырылу мәртебесі мен әскери қызметке шақыру туралы ақпаратты смартфонынан тікелей қарап, бөлісе алады. Жаңа функциялар деректерге қолжетімділікті одан әрі ыңғайлы және жеңіл етеді.
Қосымшаның жаңартылған нұсқасында екі жаңа цифрлық мәліметтер қолжетімді:
Азамат өз мәліметтерін ЖСН, компанияның БСН-і немесе мобильді азаматтар базасына тіркелген телефон нөмірі арқылы өз бетінше жібере алады. Сонымен қатар, деректерді жұмыс берушінің тікелей сұрауы салуы бойынша да жіберуге болады — ол үшін жұмыс беруші ЖСН немесе телефон нөмірі арқылы сұрау салу жібереді. Содан кейін пайдаланушы хабарлама алады және сұрау салуды растайды немесе оны кері қайтарады. Деректерді eGov Mobile қосымшасына тікелей сілтеме арқылы мессенджерлер немесе пошта арқылы жіберуге болатынын атап өтеміз.
Сервисті пайдалану үшін:
Бұдан басқа, пайдаланушылар мәліметтерге сұрау салулар тарихын тексеріп, қажет болған жағдайда бұрын берілген мәліметтерге қолжетімділікті басқаруға, оларды қайтарып алуға мүмкіндігі бар.
14 қараша күні Құмкөл ауылдық округіне қарасты шаруа қожалық жетекшілерін басын қосып, Ауылшаруашылық еңбеккерлері күні мерекесі атап өтілді. Шаруа қожалық басшыларына мерекелік ақ дастархан жайылып, әннен шашу шашылып жақсы көңіл күй сыйланды. Ауыл әкім құттықтау сөз сөйлеп бір қатар азаматтарға аудан әкімі міндетін атқарушы Ерсін Кәдірбекұлының марапаттарын табыстады. Атап айтқанда " Ақсуат ауданының әлеуметтік экономикалық дамуына сіңірген еңбегі үшін " төсбелгісі С. Сапаровқа, Б. Рамазановқа табысталды.
Сондай-ақ, құрмет грамотасы және алғыс хат С. Мукышов, Б. Сембаев, К. Кисыков, Т. Тоқтабаев, Қилым Бердібек, Б. Уалиевтер марапатталды. Сонымен қатар ауыл әкімі Ербол Құрманғазыұлының алғыс хатымен С. Надирбаев, Ө. Өкенов, Ж. Томпақ, М. Қадырбаев, Ж. Әсетовтер марапатталды.
Ақ жарма тілектер айтылып, барша кеш қонақтарына алғыс білдіріп тамаша көңіл күймен тарқасты. Барша шаруашылықпен айналысып жүрген азаматтардың еңбегіне жеміс, кәсіптеріне ырыс береке тілейміз!
Өңірде алғаш рет ұйымдастырылған форумның негізгі идеясы облыстағы түрлі сала өкілдерімен тәжірибе алмасып,экономикалық даму саласындағы бірлескен стратегияларды әзірлеу.
Бүгінде орнықты даму елдің шығыс өңірі үшін де басымдыққа ие, өйткені экономикалық өсуді қоршаған ортаны қорғаумен, табиғи ресурстарды ұтымды пайдаланумен және халықтың өмір сүру сапасын арттырумен теңестіру талап етіледі. Осы тақырыптар төңірегінде Абай облысының дамуындағы мәселелері де талқыланды.
«Alikhan Bokeikhan University» білім беру мекемесінің Коворкинг алаңындағы дөңгелек үстелге Alikhan Bokeikhan University ректоры Александр Койчубаев, «Абай облысының өңірлік коммуникациялар қызметі» КММ директоры Жадыра Мұратбекова, Семей қалалық маслихаты депутаты, «Абай ауданындағы іскер әйелдер қауымдастығының» резиденті Ақмарал Мұрат және тағы басқа сарапшы мамандармен мекеме басшылары қатысты.
Сонымен қатар, Alikhan Bokeihan University аға оқытушысы, экономика саласының сарапшысы Берік Қадыров «Орнықты даму және оның аймақтардағы әлеуметтік - экономикалық аспектілері» тақырыбында баяндама жасап, өңірдегі мәселелер туралы мағлұматтар берді.
Экологиялық тұрақтылық, әлеуметтік әділеттілік және экономикалық әртараптандыру бөлімдерін қамтыған форумда сарапшыларға көрермен тарапынан сұрақтар да қойылып, орнықты даму стратегияларын бірлесіп талқылауға және іске асыруға бағытталған ұсыныстармен қорытындылады.
Абай облысында АПВ-ға қарсы вакцинациялау жүргізілуде
Адам папилломасы вирусына қарсы иммундау Абай облысында қарқынды жүргізілуде. Қазақстан Республикасының Ұлттық екпелер күнтізбесіне АПВ-ға қарсы вакцинацияны енгізу – еліміздің болашақ ұрпағының денсаулығын сақтаудағы маңызды қадам.
2023 жылдан бастап облыс аумағында 11 жастағы қыздарды АПВ-ға қарсы вакцинациялау бойынша дайындық жұмыстары жүргізілуде. Бұл туралы өңірлік коммуникациялар қызметінде өткен брифингте санитарлық эпидемиологиялық бақылау Департаменті басшысының орынбасары Айгүл Тоқтабаева баяндады.
- Жатыр мойны обыры 25-44 жас аралығындағы әйелдер арасында өлімнің екінші себебі. АПВ-ға қарсы вакцинация қауіпті ісіктердің алдын алып, әйелдердің денсаулығын қорғауда маңызды рөл атқарады,– деп атап өтті спикер.
Қыркүйек айының ортасында 11 жастағы қыздарды вакцинациялау басталды. Вакцинация тек ата-аналардың келісімімен және дәрігердің тексеруінен кейін ғана жүзеге асырылады. Облыс көлемінде 317 мектепте егу кабинеттері дайындалып, екпе жұмыстары жүргізілуде. АПВ-ға қарсы вакцинаның бірінші бөлігі қыркүйекте жеткізілді. Қараша айында қосымша 4762 доза күтілуде.
- Бүгінгі күні 1230 қыз балаға вакцина егілді, оның 915-і – 11 жастағы, 315-і – 12-13 жастағы балалар,– деп толықтырды Айгүл Тоқтабаева.
Брифингте балалар гинекологы Гүлшат Оралтаева АПВ инфекциясының жыныстық жолмен таралып және халықтың 70-80%-ы өмір бойы осы вирусты жұқтыратынын айтты.
- Инфекция көбінесе симптомсыз өтеді, сондықтан оның алдын алудың ең тиімді жолы – вакцинация, - деп атап өтті Гүлшат Оралтаева.
Абай облыс бойынша сыбайлас жемқорлық тәуекелдерінің картасы іске асырылмақ
Соңғы 9 ай ішінде сыбайлас жемқорлыққа қарсы қызмет департаменті азаматтардың пікірлері мен өңірдегі өзгерістерді ескере отырып, әзірленген сыбайлас жемқорлық тәуекелдерінің картасын кезең-кезеңімен іске асырмақ. Бұл туралы өңірлік коммуникациялар қызметі алаңында өткен баспасөз маслихатында Департамент басшысының орынбасары Ұлан Сәдуақасов мәлімдеді.
Спикердің айтуынша, картада экология, жер қатынастары, жолдар мен инфрақұрылым, әлеуметтік сала, жылу электр станциялары, авариялық тұрғын үй, сондай-ақ агроөнеркәсіптік кешен, бизнес және басқа да тәуекелдер мәселелері көрсетілген.
- Мысалы, картаны іске асыру аясында Департамент ҚТҚ полигондарына тақырыптық мониторинг жүргізді. Бұл саладағы аймақтағы жағдай оңай емес екендігі ешкімге құпия емес. Қазіргі уақытта екі жүзден астам рұқсат етілмеген полигондар бар. Олардың негізгі бөлігі Семейде орналасқан. Біз әкімдіктерге осы салада ревизия жүргізуді және ҚТҚ полигондарын қаржыландыру мен күтіп ұстаудың қолданыстағы тетіктерін жетілдіру жөнінде шаралар әзірлеуді ұсындық, - деп атап өтті Ұлан Сәдуақасов.
Сонымен қатар, Департамент бірінші жартыжылдықта Спорт және әлеуметтік қорғау салаларындағы сыбайлас жемқорлық тәуекелдеріне сыртқы талдау жүргізген.
- Жүйелі сипаттағы құжаттарды бұрмалау белгілері анықталды. Сондай-ақ, іс-шаралардың күнтізбелік қаржылық жоспарынан тыс, бюджет қаражаты есебінен спорттық іс-шараларды қаржыландыру тәжірибе жүзінде өткізілетін болады. Ағымдағы жылы біз спорт мектебінің бухгалтеріне қатысты бір қылмыстық істі тергедік, ол артық қаражат аудару арқылы 11 млн теңгені ұрлап кеткен, - деп толықтырды спикер.
Айта өтсек, сыртқы талдау сыбайлас жемқорлықтың негізгі 6 түрін анықтауға көмектесті. Олардың көпшілігі автожолдарды жөндеу саласында кездеседі.
- Бір учаскеде кезек-кезек жөндеу жұмыстарының бірнеше жемқорлық жүргізілетін фактілер бар. Әдетте, олар алдымен ағымдағы жөндеуді, содан кейін орташа жөндеуді жүргізеді. Осыған байланысты учаскелерді сапасыз тексеру фактілері анықталып, 125 учаскенің 38-і қысқы кезеңде өткізілді. Бұл функция Ұлттық Жол активтерінің сапа орталығына жүктелген. Нәтижесінде сметалық есепте жұмыс көлемінің арту қаупі бар, - деді Ұлан Сәдуақасов.
Сондай-ақ, спикер бүгінгі күні сыбайлас жемқорлыққа қарсы волонтерлер қатарына белсенді азаматтық ұстанымы бар 38 адам, оның ішінде сыбайлас жемқорлыққа қарсы іс-қимыл ісіне жәрдем көрсететін "корпоративтік волонтерлік" бағыты бойынша кәсіпкерлік субъектілері қабылданғанын айтты.
- Жобаны іске қосу басталғаннан бері қоғамдық бақылаумен бірқатар маңызды әлеуметтік маңызды салалар қамтылды. Олардың қатарында: су құбыры, автожолдар, балалар және спорт алаңдарын салу, азаматтық қорғау күштерінің халықты хабардар ету жүйелері бар, - деп қорытындылады спикер.