Татарстан Республикасының «Қазан деликатестері» ЖШС директоры жұмыс сапарымен Абай облысына келді

Ағымдағы жылдың 28 қаңтарында жұмыс сапары аясында Абай облысына Татарстан Республикасының «Қазан деликатестері» ЖШС директоры Султанов Расул Джанбекович келді. Сапар барысында Расул Джанбекович дәнді және дәнді-бұршақты дақылдарды, майлы және жемшөптік дақылдарды және де ірі қара мал өсірумен айналысатын «Лазарев и К» ЖШС, ірі қара мал өсірумен, көкөністерді өндірумен, өңдеумен және сақтаумен айналысатын «Агрофирма Приречное» ЖШС сияқты агроөнеркәсіптік кешен кәсіпорындарына барды. Сондай-ақ, «АРАЙ-EAST FOOD» ЖШС ет комбинатының шұжық өнімдері өндірісімен танысты.

Жұмыс сапарының мақсаты Татарстан Республикасы мен Абай облысы арасында тәжірибе алмасу, етті мал шаруашылығының, сондай-ақ тамақ және қайта өңдеу өнеркәсібінің үздік тәжірибелерін зерделеу болып табылады.