АТЫРАУ ОБЛЫСЫНЫҢ ТАБИҒИ РЕСУРСТАР ЖӘНЕ ТАБИҒАТ ПАЙДАЛАНУДЫ РЕТТЕУ БАСҚАРМАСЫНА ҚАТЫСТЫ ТЕРГЕП-ТЕКСЕРУ БАСТАЛДЫ

Қазақстан Республикасы Бәсекелестікті қорғау және дамыту агенттігінің Атырау облысы бойынша департаменті (бұдан әрі-Департамет) «Атырау облысының Табиғи ресурстар және табиғат пайдалануды реттеу басқармасы» ММ-ге (бұдан әрі-Басқарма) қатысты мемлекеттік-жекеше әріптесті таңдау кезіндегі бәсекелестікке қарсы іс-әрекеттер белгілері бойынша тергеп-тексеру жұмыстарын бастады.

«Жасұлан-Флора» ЖШС өтінішін қарау барысында, Департамент Басқарманың «Атырау қаласының жасыл екпелерін күту» МЖӘ жобасы бойынша конкурс өткізу кезінде қосымша талаптар мен шарттар белгілегенін анықтады. Атап айтқанда, Атырауда көгалдандыруды іске асыру жобалары бойынша тәжірибесінің болуы, жеке меншік немесе жалға алу құқығының, белгілі маркалар мен модельдердің және т.б. болуы бойынша талаптар. Барлық көрсетілген қосымша талаптар мен шарттар әлеуетті жеке серіктестер шеңберінің жасанды тарылуына және бәсекелестіктің шектелуіне әкелді.

Анықталған бәсекелестікке қарсы белгілердің негізінде 2022 жылғы 21 сәуірде Басқарманың атына нарық субъектілерінің бәсекелестігі мен бәсекелестігін қамтамасыз ете отырып, конкурстық құжаттаманы мемлекеттік-жекешелік әріптестік туралы заңнамаға сәйкес келтіру жөнінде шаралар қабылдау арқылы Қазақстан Республикасының бәсекелестікті қорғау саласындағы заңнамасын бұзушылықтарды жою туралы хабарлама шығарылды.

Басқарма Департаменттің хабарламасын орындамады. Осының негізінде мемлекеттік мекемеге қатысты Кәсіпкерлік кодекстің нормаларымен тыйым салынған бәсекелестікке қарсы әрекеттердің (әрекетсіздіктің) жасалғанын растайтын немесе жоққа шығаратын нақты деректерді анықтау мақсатында 2022 жылдың 10 маусымында тергеп-тексеру жұмыстары тағайындалды.