АҚМОЛА ОБЛЫСЫ БОЙЫНША МОНОПОЛИЯҒА ҚАРСЫ ДЕПАРТАМЕНТ ӨҢІРДЕГІ ІРІ ҚАНТ ЖЕТКІЗУШІЛЕРГЕ ХАБАРЛАМА ШЫҒАРДЫ

Бағаның өсуіне және қантты сату нарығындағы дүрлігуге байланысты Ақмола облысы бойынша монополияға қарсы департамент өңір шекарасындағы қантты көтерме сату нарығындағы бәсекелестіктің жай-күйіне талдау жүргізді.

Талдау қорытындысы бойынша екі ірі көтерме сауда сатушысының іс-әрекетінде бағаны белгілеу және (немесе) ұстап тұру бөлігінде монополияға қарсы заңнаманы бұзу белгілері анықталды.

ҚР Кәсіпкерлік кодексінің 199-бабы 1-тармағының негізінде осы тауар нарығында үстем жағдайға ие екі көтерме сауда жеткізушісінің атына қант бағасын негізделген деңгейге дейін төмендету қажеттілігі және алдағы уақытта осындай әрекеттерді болдырмауы туралы хабарлама жіберілді.

ашық көздерден алынған фотосурет