Бәсекелестікті қорғау және дамыту агенттігінің Алматы облысы бойынша департаменті (БҚДАД) автогаз құю станциясы (АГҚС) арқылы сұйытылған мұнай газын (СМГ) бөлшек саудада өткізу нарығына талдау жүргізді.
Талдау жүргізу барысында «АДМ-ГАЗ» ЖШС, «Альянс Газ» ЖШС, «City CAS Service» ЖШС, «LT-GAS» ЖШС, «Автогаз Трейд» ЖШС әрекеттерінде сұйытылған мұнай газын бөлшек саудада сатуды жүзеге асыратын нарық субъектілерінің келісілген іс-әрекеттерінен бәсекелестік заңнамасын бұзу белгілері анықталды.
«АДМ-ГАЗ» ЖШС мекен-жайына анықталған бұзушылық белгілерін жою бойынша хабарлама шығарылды. Басқа автогаз құю станцияларына қатысты материалдар заңды тұлғаның тіркелген жері бойынша басқа аумақтық департаменттерге одан әрі жұмыс істеуге жолданды.
Белгіленген мерзімде «АДМ-ГАЗ» ЖШС хабарламаны орындамады, соның негізінде департамент тергеуді бастады.
Сурет ашық көздерден алынды