АТЫРАУ ОБЛЫСЫ БОЙЫНША МОНОПОЛИЯҒА ҚАРСЫ ДЕПАРТАМЕНТ ЖӘНЕ ТАУАРЛЫҚ БЕТОН МЕН ТЕМІРБЕТОН БҰЙЫМДАРЫН ӨНДІРУШІ "БАТЫСАЛЬЯНССТРОЙ" ЖШС МОНОПОЛИЯҒА ҚАРСЫ КОМПЛАЕНСКЕ ҚОЛ ҚОЙДЫ

Қол қойылған монополияға қарсы комплаенс аясында "БатысАльянсСтрой" ЖШС ерікті негізде өз өнімдеріне бағаның негізсіз өсуіне жол бермеу міндетін алды.

Қазіргі уақытта, бастапқы тұрғын үй және кейбір құрылыс материалдары бағасының айтарлықтай өсуіне байланысты (деректер бойынша stat.gov.kz , тұрғын үй бағасы 5,3% – ға, цемент – 6% – ға, арматура – 4,8% - ға, болатты парақ -39% - ға, бетон-1,3% - ға өсті), ҚР Бәсекелестікті қорғау және дамыту агенттігінің Атырау облысы бойынша департаменті тұрғын үй құрылысы нарығына және бірқатар құрылыс материалдарын көтерме саудада өткізуге талдау жүргізеді, оның қорытындысы бойынша бұзушылықтар болған жағдайда монополияға қарсы ден қою шаралары қабылданатын болады.

Монополияға қарсы комплаенс актісіне қол қою бизнес субъектілеріне өз қызметін ерікті түрде бәсекелестік құқық нормаларына сәйкес келтіруге және жосықсыз бәсекелестікке жол бермеуге мүмкіндік беретін "жұмсақ құқық" құралы болып табылады. «БатысАльянсСтрой» ЖШС-гі өңірдегі тауарлық бетон мен темірбетон өнімдері ірі өндірушілерінің бірі болып табылады. Монополияға қарсы комплаенстің қол қойылған актісі өндіруші тарапынан өз қызметін қолданыстағы монополияға қарсы заңнама шеңберінде жүзеге асыру міндеттемелерін орындауды, оның ішінде өз өнімдеріне бағаның негізсіз өсуіне жол бермеуді көздейді.

Атырау облысы бойынша Бәсекелестікті қорғау және дамыту департаменті аймақтағы барлық өндірушілер мен кәсіпкерлерді өз кәсіпорындарында монополияға қарсы комплаенс жүйесін енгізуге шақырады. Өз тарапынан монополияға қарсы департамент осы мәселеде қолдау мен көмек көрсетуге дайын.

Бәсекелестікті қорғау және дамыту агенттігінің Атырау облысы бойынша департаментінің міндеттері – картельдер жасауда, нарық субъектілерінің сөз байласуға қатысуында, монополиялық жағдайды теріс пайдалануда және басқа да бәсекелестікке қарсы іс-әрекеттерде, оның ішінде бағаның негізсіз өсуіне алып келуі мүмкін бәсекелестік заңнаманы бұзуға жол бермеу. Департаменттің міндеттеріне тауар нарығындағы баға белгілеу және нарықты реттеу кезінде шекті бағаларды енгізу кірмейді.