«KDV КАЗАХСТАН» ҚЫЗМЕТІНДЕ БӘСЕКЕЛЕСТІК ТУРАЛЫ ЗАҢНАМАНЫҢ БҰЗЫЛУЫ АНЫҚТАЛДЫ

Қазақстан Республикасының Бәсекелестікті қорғау және дамыту агенттігінің Павлодар облысы бойынша Департаменті «KDV Қазақстан» ЖШС-не (брендтері: Яшкино, O’3era және т.б.) қатысты тергеп-тексеруді аяқтады.

Тергеп-тексеру Қазақстан Республикасының бәсекелестікті қорғау туралы заңнамасының сақталуын қамтамасыз ету аясында жүргізілді.

Тексеру барысында кондитерлік өнімдердің көтерме саудасы нарығында бәсекелестікті шектейтін, нарық субъектілеріне әртүрлі жағдайлар қолдану арқылы бәсекелестік туралы заңнаманы бұзу фактілері анықталды.

Іс материалдары белгіленген тәртіпте қарау үшін сотқа жолданды.

Сот шешімімен «KDV Қазақстан» ЖШС әкімшілік жауапкершілікке тартылып, 24 млн теңге мөлшерінде айыппұл салынды (айыппұлды ерікті төлеу мерзімі — 1 күнтізбелік ай). Айыппұл Қазақстан Республикасының Әкімшілік құқықбұзушылық туралы кодексінің талаптарына сәйкес белгіленді.

 

Фотосурет ашық көздерден алынған.